Gujarati News

Gujarati News

News of Friday, 27th November 2020

રાજકોટ એસટી દ્વારા બે નવી બસ : રાજકોટ - બારડોલી વોલ્વો તો રાજકોટ - નારાયણ સરોવર એસી સ્લીપર કોચ મુકાઇ

રાજકોટ તા. ૨૭ : આજથી રાજકોટ એસટી તંત્રે બે નવી બસો શરૂ કરી છે, જેમાં એક વોલ્વો અને એક એસી સ્લીપર કોચનો સમાવેશ હોવાનું અધિકારી સૂત્રોએ ઉમેર્યું હતું.

અધિકારીઓના જણાવ્યા મુજબ રાજકોટ - બારડોલી વચ્ચે વોલ્વો બસ રાત્રે ૮.૩૦ વાગ્યે તો બારડોલી - રાજકોટ વોલ્વો બસ બારડોલીથી સાંજે ૭ વાગ્યે ઉપડશે. આ બસના સ્ટોપ નડીયાદ - આણંદ - વડોદરા - સુરત - બારડોલી અપાયા છે.

બીજી એસી સ્લીપર કોચ રાજકોટ - નારાયણ સરોવરની શરૂ કરાઇ છે, જે રાજકોટથી રાત્રે ૮ વાગ્યે તો નારાયણ સરોવરથી સાંજે ૬ વાગ્યે ઉપડશે, આ બસ મોરબી - સામખીયાળી - ભચાઉ - ગોપીવાવ - આદીપૂર - અંજાર - ભૂજ - નખત્રાણા - માતાના મઢ - પાન્ધ્રો - વર્ષાનગર થઇને નારાયણ સરોવર પહોંચશે.

(11:42 am IST)
  • તેલંગણામાં યોજાનારી મ્યુ.કોર્પોરેશનની ચૂંટણીઓ પહેલા અસદુદીન ઓવેસીની વડાપ્રધાન શ્રી મોદીને ચેલેન્જ : જો તમે બીજેપીને જનતાનું સમર્થન છે તેવું માનતા હો તો મારા સંસદીય મત વિસ્તારમાં આવીને તમારી પાર્ટીનો પ્રચાર કરો : હૈદરાબાદમાં પ્રચાર કરવાથી તમારી પાર્ટી કેટલી સીટ જીતે છે અને મારી પાર્ટીને કેટલી સીટ મળે છે તે જોઈ લેજો : બીજેપીના પ્રચારકો જુઠાણું ફેલાવવા સિવાય બીજું કશું જ કરતા નથી : AIMIM પાર્ટી લીડર તથા હૈદરાબાદના સાંસદ અસદુદીનનો હુંકાર access_time 7:52 pm IST

  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST

  • મોડી રાત્રે કાશ્મીરના કેટલાક ભાગોમાં ધરતીકંપનો આંચકો અનુભવાયો. વધુ વિગત મેળવાય રહી છે. access_time 1:09 am IST