Gujarati News

Gujarati News

News of Wednesday, 27th January 2021

શનિવારથી શાસ્ત્રી મેદાન ખાતેનું બસ સ્ટેન્ડ થશે ખાલીખમ : નવા બસ પોર્ટ પર રૂટ કરાશે ડાયવર્ટ

એસટી તંત્ર દ્વારા શાસ્ત્રીમેદાનનો કબ્જો કલેકટર તંત્રને સોંપી દેવામાં આવશે

રાજકોટના શાસ્ત્રી મેદાન ખાતેનું એસ.ટી બસસ્ટેન્ડ 30મી જાન્યુઆરીથી કાયમ માટે બંધ થશે. શનિવારથી તમામ એસ.ટી બસના રૂટ નવા બસ પોર્ટ ખાતેથી જ ઓપરેટ થશે. એસટી તંત્ર દ્વારા શાસ્ત્રીમેદાનનો કબ્જો કલેકટર તંત્રને સોંપી દેવામાં આવશે એવું કલેકટરના સુત્રો પાસેથી જાણવા મળ્યું છે

રાજકોટ એસ.ટી બસસ્ટેન્ડમાં ફેરફાર કરવામાં આવ્યો છે. શાસ્ત્રી મેદાન ખાતેનું બસસ્ટેન્ડ કાયમ માટે બંધ કરી નાખવામાં આવશે. ત્યારબાદ નવા બસ પોર્ટ ખાતેથી તમામ રૂટ ચાલુ કરવામાં આવશે. પોરબંદર, જૂનાગઢ, ઉના, કોડીનાર, સોમનાથ, દીવ, ગોંડલ, લોધીકા, જેતપુર, વીરપુર, ધોરાજી, ઉપલેટા, જામજોધપુર, વેરાવળ, બગસરા, ધારી, કુંકાવાવ, તુલસીશ્યામ જતી બસો તા.28 જાન્યુઆરીથી નવા બસ પોર્ટ પરથી ઉપડશે.જયારે તા.30થી ભાવનગર, બોટાડ, ગઢડા, જસદણ, અમરેલી, સાવરકુંડલા, તળાજા, વિછિયા, સારંગપુર જતી બસો પણ નવા બસ પોર્ટથી ઓપરેટ થશે.

(1:42 pm IST)
  • દ્વારકા જિલ્લામાં લેન્ડ ગ્રેબિંગનો પ્રથમ ગુનો નોંધાતા ચકચાર:ભાણવડની વારીયા બાલમંદિરની ટ્રસ્ટની જગ્યામાં કબજો કરી ખંડણી માગનાર બે મહિલા સહિતના સામે ફરિયાદ કરાઈ હતી: ભાણવડ પોલીસે ધરપકડની તજવીજ હાથ ધરી access_time 7:10 pm IST

  • સુબ્રમણ્યમ સ્વામીના એક ટવીટે ખળભળાટ સર્જયો : ભાજપના સાંસદ શ્રી સુબ્રમણ્યમ સ્વામીએ તેના ટવીટર હેન્ડલ @swamy39 ઉપર ટવીટ કયુ છે આ ટવીટે ખળભળાટ મચાવ્યો છે. હજારો લાઇક અને રીટવીટ થઇ રહયા છે. ‘પીએમઓ’માં ઉચ્ચ સ્થાને બીરાજતા લોકોની નજીક રહેલ ભાજપના સભ્યએ લાલ કિલ્લાના ડ્રામામાં ઉશ્કેરણી સર્જનાર એજન્ટ તરીકે ભાગ ભજવ્યાની ભારે ચર્ચા છે, જે ‘‘ફેઇક પણ હોઇ શકે છે અથવા દુશ્મનોની ફેઇક આઇડી પણ હોઇ શકે છે. આ ચેક કરવા અને જણાવવા અપીલ કરું છું’’ access_time 12:30 pm IST

  • લાલ કિલ્લા મેટ્રો સ્ટેશનને છોડીને બધા જ મેટ્રો સ્ટેશન ખૂલ્યા, પરિસ્થિતિ સામાન્ય : દિલ્હી મેટ્રો access_time 11:49 am IST