Gujarati News

રાજકોટ તા.ર૬ : શહેરના અંબાજીકડવા પ્લોટમાં રહેતા પટેલ આધેડ પુત્રીની દવા લેવા નીકળ્યા બાદ જયુબેલી ગાર્ડન પાસે છાતીમાં દુઃખાવો ઉપડતા તેનું સારવાર દરમ્યાન મોત નિપજયું હતું.મળતી વિગત મુજબ અંબાજી કડવા પ્લોટ શેરી નં.૩માં રહેતા રમેશભાઇ પ્રેમજીભાઇ દેત્રોજા (ઉ.૪પ) ગઇકાલે પોતાની સાયકલ લઇને પુત્રીની દવા લેવા માટે નિકળ્યા હતા બાદ તેજયુબેલી ગાર્ડન પાસે પહોંચતા તેને છાતીમાં દુઃખાવો ઉપડતા ગાર્ડનમાં બેઠા બાદ બેભાન થઇ ગયા હતા. બેભાન પડેલા આધેડને જોઇ કોઇએ ૧૦૮માં જાણ કરતા ૧૦૮ ની ટીમે સ્થળ પર પહોંચી ૧૦૮ ના ઇએમટીએ તપાસ કરતા તેનું મૃત્યુ નિપજયું હોવાનું જણાતા પોલીસને જાણ કરવામાં આવી હતી જાણ થતા એ ડીવીઝન પોલીસ મથકના હેડ કોન્સ રવીભાઇ વાઘેલા અને રાઇટર હરવીજયસિંહ ગોહીલે સ્થળ પર પહોંચી કાર્યવાહી કરી હતી મૃતક રમેશભાઇને સંતાનમાં બે પુત્રી છે તે એક દુકાનમાંં નોકરી કરતા હતા બેપુત્રીએ પિતાની છત્રછાયા ગુમાવતા પરિવારમાં શોક વ્યાપી ગયો છે.