Gujarati News

Gujarati News

News of Wednesday, 25th November 2020

મુસાફરો માટે રાજકોટ - અમદાવાદ વચ્ચે આજથી એસટી દ્વારા ખાસ ૮ ઇન્ટરસિટી બસ શરૂ કરાઇ

૭૫ ટકા સીટીંગ કેપેસીટી સાથે દોડશે : એડવાન્સ બુકીંગમાં પણ આ બસો આવરી લેવાઇ : સુરત જતી બસનો ટાઇમ ફેરવી નખાયો : પોરબંદર બસનો ટાઇમ ૬.૪૫નો કરાયો : કર્ફયુને કારણે રાજકોટ ડિવીઝનને હાલ ૨૦ ટકા અસર : આમ છતાં ટ્રાફિક સારો - આવક વધવા માંડી હોવાનો અધિકારીઓનો નિર્દેશ

રાજકોટ તા. ૨૫ : રાજકોટમાં રાત્રી કર્ફયુને કારણે રાજકોટ એસટી ડીવીઝનના બસોના ઓપરેશન્સને ૨૦ ટકા જેટલી અસર થઇ છે, પરંતુ આમ છતાં ટ્રાફિક વધવા માંડયો છે અને આવક પણ વધવામાં હોવાનું એસટીના અધિકારી સૂત્રોએ ઉમેર્યું હતું.

તેમણે જણાવેલ કે, કર્ફયુ છે પરંતુ લોકો માટે હવે બસોના સમયમાં ફેરફાર કરતા ટ્રાફિક ફરી વધ્યો છે, તો રાજકોટ - અમદાવાદ વચ્ચે મુસાફરોની સુવિધા માટે સવારે ૬ાા થી ૧૧ વાગ્યા સુધીમાં આજથી નવી ૮ ઇન્ટરસિટી બસ દોડાવવાનું શરૂ કરાયું છે, અને તેમાં પણ ટ્રાફિક સારો હોય ૭૫ ટકા સીટીંગ કેપેસીટી સાથે મુસાફરોને લેવાય છે, તેમજ આ તમામ આઠેય બસોને એડવાન્સ બુકીંગ - રીઝર્વેશનમાં પણ આવરી લેવાઇ છે, આ ઉપરાંત રાજકોટ - અમદાવાદ વોલ્વો તો દોડે જ છે.

સુરત અંગે અધિકારીઓએ જણાવેલ કે, આ બસનો સમય આજથી ફરી ગયો છે, હવે આ બસ સવારે ૯.૪૫ વાગ્યે ઉપડશે, તો પોરબંદર જતી બસનો સમય આજથી સવારે ૬.૪૫નો કર્ફયુને કારણે કરી નંખાયો છે.

(3:23 pm IST)
  • લક્ષ્મી વિલાસ બેંકનું DBILમાં વિલીનીકરણઃ કેબિનેટની મંજુરી: સંકટમાં ફસાયેલી લક્ષ્મી વિલાસ બેંકને DBS બેંક ઇન્ડીયા લીમીટેડમાં વિલીનીકરણને કેન્દ્રીય કેબિનેટે મંજુરી આપી છેઃ રિઝર્વ બેંક ૧૭મીએ બેંકને ૧ માસના મોરેટોરિયમમાં નાખી દીધી હતી. ર૦ લાખ થાપણદારો અને ૪૦૦૦ કર્મચારીઓને રાહત થઇ કેન્દ્રના નિર્ણયથીઃ કર્મચારીઓની નોકરી યથાવત રહેશે. access_time 4:00 pm IST

  • તામિલનાડુઃ વાવાઝોડા પૂર્વે રાજયમાં ભારે વરસાદઃ ટ્રેનો-ફલાઇટ કેન્સલ : ચેન્નાઇઃ તામિલનાડુ અને પોંડીચેરીમાં ચક્રવાતી વાવાઝોડુ નિવાર ત્રાટકે તે પૂર્વે રાજયમાં ભારે વરસાદ પડી રહ્યો છે. દરીયામાં ઉંચી લહેર ઉઠી રહી છે. વાવાઝોડુ ૧ર૦ થી ૧૩૦ કિ.મી.ની ઝડપે ફુંકાય તેવી શકયતા છે. અનેક ફલાઇટો રદ કરી દેવાઇ છેઃ ટ્રેનો પણ કેન્સલ કરાઇ છેઃ વાવાઝોડાને નીપટવા તંત્ર સજ્જ છે access_time 3:20 pm IST

  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST