Gujarati News

Gujarati News

News of Wednesday, 25th November 2020

આત્મબળ મજબૂત હોય તો ઝડપથી કોરોના મુકત થઇ શકાયઃ ગૌતમભાઇ

જસદણ કોવિડ કેર સેન્ટરમાં સારવાર મેળવી સાજા થયા

રાજકોટ તા. ૨૫ : રોગથી વધુ રોગનો ડર મનુષ્ય માટે ઘાતક સાબિત થાય છે, પણ જો મનુષ્યનું આત્મબળ મજબૂત હોય તો કોઈ પણ રોગ પરાસ્ત થઈ જાય, આવા જ મજબૂત મનોબળના વ્યકિત એટલે ગૌતમભાઈ ધાંધલ જેમણે તાજેતરમાં કોરોનાને પરાસ્ત કર્યો છે.

ગૌતમભાઈને ન્યુમોનિયા થવાથી શરીરમાં તાવ અને કળતર થવા લાગ્યા, તેથી તેઓ તુરંત જસદણ કોવિડ કેર સેન્ટરમાં ટેસ્ટ કરાવવા માટે પહોંચી ગયા ત્યાં તેમનો રિપોર્ટ પોઝિટિવ આવતા, સ્થાનિક ડોકટરની સૂચના અનુસાર તેમને જસદણ કોવિડ કેર સેન્ટરમાં દાખલ કરવામાં આવ્યા. પોતાની સારવારના અનુભવને વર્ણવતા ગૌતમભાઈ જણાવે છે કે, ન્યુમોનિયા થવાથી મારી તબિયત ખૂબ જ બગડી ગઈ હતી, તેમાંય મારો કોરોના રિપોર્ટ પોઝિટિવ આવ્યો, એ સમયે મેં નક્કી કરી લીધું કે કોરોના થયો તો શું થયું ? આત્મબળ મજબૂત હોય તો કોરોનામુકત પણ થઈજ  શકાય. અને આ આત્મબળને વધુ મજબૂત કર્યું કેર સેન્ટરમાં કાર્યરત ફરજ નિષ્ઠ ડોકટરોએ.

(2:34 pm IST)
  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • ચંદ્રની ભૂમિ ઉપરથી પથ્થરો લાવવાનું ચીનનું અભિયાન શરૂ : ચીને ચંદ્ર ઉપરથી પથ્થરો પૃથ્વી ઉપર પરત લાવવા માટેનું પોતાનું પહેલું મિશન સફળતાપૂર્વક શરૂ કર્યું છે. access_time 9:53 pm IST

  • દિલ્હીમાં કોરોનાએ કાળોકેર વર્તાવ્યો : છેલ્લા 24 કલાકમાં નવા 5246 કેસ નોંધાયા : વધુ 99 લોકોના સારવાર દરમિયાન મોત: કુલ કેસનો આંકડો 5,45,787 પહોંચ્યો access_time 11:57 pm IST