Gujarati News

Gujarati News

News of Sunday, 22nd November 2020

નિયમ પાલન સાથે ગરમ કપડાની બજારો ફરી ધમધમતી થઇ

રાજકોટ : 'સાચુ સુખ તે જાતે નર્યા' ઉકિત મુજર શિયાળાની ઠંડી સામે શરીરનું રક્ષણ કરવા લોકો ગરમ કપડાની ખરીદી પુરબહારમાં કરતા હોય છે. દર વર્ષે રાજકોટમાં જામતી તિબેટીયન લોકોની ગરમ કપડાની બજાર આ વર્ષે પણ સીઝન શરૂ થતા જ ખુલી ગઇ છે. જો કે લોકોની ભીડ વધી જતા તંત્રવાહકોએ આ બજાર થોડીવાર માટે બંધ કરાવવાની ફરજ પડી હતી. બાદમાં સોશ્યલ ડીસ્ટન્સ અને ફરજીયાત માસ્ક પહેરવા જેવા નિયમ પાલનની ખાત્રી પછી બજાર ખોલાવી નખાઇ હતી. ભુતખાના ચોકની આ ગરમ કપડાની બજારમાં હાલ દસ દસ લોકોને સમયાંતરે પ્રવેશ આપવામાં આવી રહ્યો છે. પ્રવેશતા પહેલા દરેકને સેનીટાઇઝ કરવામાં આવે છે. તસ્વીરમાં ગરમ વસ્ત્રોની બજારનો માહોલ નિહાળી શકાય છે. (તસ્વીર : સંદીપ બગથરીયા)

(4:26 pm IST)
  • 72 મુસાફરો સાથેની દિલ્હીની બસ પલટી મારી ગઈ: અનેકને ઇજા : ગઈકાલે રાત્રે ઉન્નાવના સિધ્ધરપુર ગામ નજીક દિલ્હીની ૭૨ મુસાફરો સાથેની બસ પલટી મારી ગઈ હતી. આ દુર્ઘટનામાં આશરે 20 મુસાફરો ઘાયલ થયા છે. બસ મુસાફરો સાથે બહરાઇચ જઇ રહી હતી. access_time 10:45 am IST

  • ગોંડલથી જેતપુર જતા રસ્તા ઉપર સાંઢિયા પુલ પાસે સાઇડમાંથી વાહનો જાય છે ત્યાં ફાટક ઉપર ટ્રેન સાથે મોટર અથડાતા એક મૃત્યુ પામ્યાનું જાણવા મળે છે. વિગતો મેળવાઈ રહ્યાનું ગોંડલથી ભાવેશ ભોજાણી જણાવે છે access_time 12:50 pm IST

  • કાઠમંડુમાં ચીન વિરોધી દેખાવો શરૂ થયા : નેપાળના પાટનગર કાઠમંડુથી અહેવાલો મળી રહ્યા છે કે કાઠમંડુમાં ચિન વિરોધી જોરદાર દેખાવો શરૂ થઈ ગયા છે. ચાઈનાએ નેપાળની સરહદે સંખ્યાબંધ જિલ્લાઓમાં જમીનો ઉપર દબાણ કર્યું છે તેના વિરોધમાં આ દેખાવો સર્જાયાનું જાણવા મળે છે.(ફાઇલ તસ્વીર) access_time 10:39 am IST