Gujarati News

Gujarati News

News of Sunday, 21st February 2021

રાજકોટના રાજા માંધાતાસિંહ અને મહારાણી કાદમ્બરીદેવીએ વિન્ટેજ કારમાં આવી શાહી મતદાન કર્યુ : આ દ્રશ્યો આકર્ષણનું કેન્દ્ર બન્યા

મતદાન કર્યા બાદ આ વિન્ટેજ કાર બંધ પડતા તેઓએ પરિવાર સાથે બીજી કારમાં ગયા

રાજકોટ: સ્થાનિક સ્વરાજ્યની ચૂંટણીમાં આજે રાજકોટ મનપાની ચૂંટણીમાં મતદાન થઇ રહ્યું છે . ત્યારે રાજકોટના રાજા માંધાતાસિંહ અને મહારાણી કાદમ્બરીદેવી દિલ્હીની રેલીમાં પ્રથમ આવેલી 7 સીટર સુપર 8 સિલિન્ડર વિન્ટેજ કારમાં આવી શાહી મતદાન કર્યુ હતું . આ દ્રશ્યો આકર્ષણનું કેન્દ્ર બન્યા હતા . જો કે , મતદાન કર્યા બાદ આ વિન્ટેજ કાર બંધ પડતા તેઓએ પરિવાર સાથે બીજી કારમાં જવું પડ્યું હતું . 

માંધાતાસિંહે જણાવ્યું હતું કે , વડાપ્રધાને આપણા દેશને મોટી સિદ્ધિ અપાવી છે . તેમજ ગુજરાતના મુખ્યમંત્રી વિજય રૂપાણી પણ હાલ હોસ્પિટલના બિછાનેથી ગુજરાતની ચિંતા કરી રહ્યાં છે . આપણી ફરજ છે કે આજે આપણે અવશ્ય મતદાન કરીએ અને લોકશાહીના પર્વને ઉજવીએ.(તસ્વીર : પ્રિન્સ બગથરીયા)

(11:41 am IST)
  • લાલ કિલ્લા હિંસાનો આરોપી લખ્ખાની દિલ્હી પોલીસને ખુલ્લી ચેલેન્જ : ફેસબુક વિડિઓ જારી કરીને મોટું એલાન કર્યું : હિંસાના માસ્ટર માઈન્ડ લાખા સીંધનાએ ભડકાઉ વિડિઓ જારી કરીને દિલ્હી પોલીસને પડકાર ફેંકતા 23મી ફેબ્રુઆરીએ વધુ એક પ્રદર્શન કરવા એલાન કર્યું : આ વિડીઓમાં તે પંજાબના યુવાઓને 23મીએ એકત્રિત થવા પણ કહી રહયો છે access_time 11:34 pm IST

  • અખિલ ભારતીય બાર પરીક્ષા XVI (AIBE XVI) એક મહિના માટે મુલતવી રાખવામાં આવી છે અને હવે 21 માર્ચના બદલે 25 એપ્રિલ, 2021 ના ​​રોજ યોજવામાં આવશે. આ બાબતે બાર કાઉન્સિલ ઓફ ઈન્ડિયા (બીસીઆઈ) એ રવિવારે એક જાહેરનામું બહાર પાડીને આ માટેના સુધારેલા શેડ્યૂલની જાણ કરી હતી. access_time 8:42 pm IST

  • રાજકોટના વોર્ડ ન, 11ના બુથ પર તોડફોડ : સરકારી શાળામાં ઇવીએમમાં તોડફોડથી સનસનાટી : ઉચ્ચ અધિકારીઓ પહોંચ્યા : સમગ્ર ઘટનાની તપાસ : મતદાન અટકાવી દેવાયું access_time 4:36 pm IST