Gujarati News

Gujarati News

News of Thursday, 21st January 2021

શ્વાસ ચડતો હોવાથી કંટાળીને શિવધામ સોસાયટીના રીનાબેનનું અગ્નિસ્નાન

ગંભીર રીતે દાઝી જતાં મહિલા સિવિલ હોસ્પિટલમાં સારવાર હેઠળ

રાજકોટ તા. ૨૧: કોઠારીયા રોડ રણુજા મંદિર પાસે શિવધામ સોસાયટી-૨માં રહેતાં રીનાબેન સંજયભાઇ પોરીયા (કડીયા) (ઉ.વ.૪૨)એ રાત્રીના અગ્નિસ્નાન કરી લેતાં ગંભીર રીતે દાઝી જતાં સિવિલ હોસ્પિટલમાં ખસેડાયા છે.

રીનાબેને રાતે પતિ અને પુત્ર સુઇ ગયા બાદ ફળીયામાં શરીરે કેરોસીન રેડી કાંડી ચાંપી લીધી હતી. દેકારો થતાં અને ભડકો થતાં ઉંઘી રહેલા પતિ, પુત્ર તથા અડોશી પડોશી જાગી જતાં આગ બુઝાવી તેમને હોસ્પિટલે ખસેડ્યા હતાં. રીનાબેનના માવતર કોઠારીયા રોડ હુડકોમાં રહે છે. માતાનું નામ લીલાબેન હસમુખભાઇ પરમાર છે. પિતા હયાત નથી.

રીનાબેનના પતિ કડીયા કામ કરે છે. સંતાનમાં બે પુત્ર છે. જેમાં એક અમદાવાદ કામ કરે છે. સંક્રાંતના બીજા જ દિવસે રીનાબેન પરિવાર સાથે નવા મકાનમાં રહેવા આવ્યા છે. તેણીએ માતા અને સાસુને કહ્યું હતું કે પોતાને ખુબ શ્વાસ ચડતો હોઇ કામ થતું ન હોઇ કંટાળીને આ પગલુ ભર્યુ છે. હોસ્પિટલ ચોકીના સ્ટાફે આજીડેમ પોલીસને જાણ કરી હતી.

(1:25 pm IST)
  • બાયડન સપાટો બોલાવે છે: પાંચ લાખ ભારતીયોને નાગરિકત્વ આપવાનું શરૂ : અમેરિકાના પ્રમુખ બનતાવેંત જો બાયડન એક્શનમાં આવી ગયા છે અને પાંચ લાખ ભારતીય નાગરિકોને અમેરિકાનું નાગરિકપદ આપવાની શરૂઆત કરી દીધી છે. access_time 12:50 pm IST

  • પશ્ચિમ બંગાળના શાંતીપૂર્ણ ધારાસભ્ય અરીન્દમ ભટ્ટાચાર્ય ભાજપમાં દાખલ થઈ ગયા : તેમણે કહ્નાં કે પશ્ચિમ બંગાળના યુવાનોનુ અત્યારે કોઈ ભવિષ્ય નથી અને અત્યારે તેમની પાસે કોઈ કામ નથી access_time 5:42 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,183 કેસ નોંધાયા :કુલ કેસની સંખ્યા 1,06,10,632 થઇ :એક્ટિવ કેસ 1,90,498 થયા: વધુ 17,751 દર્દીઓ સ્વસ્થ થતા કુલ 1,02,62,843 થયા :વધુ 132 લોકોના મોત સાથે કુલ મૃત્યુઆંક 1,52,886 થયા access_time 1:13 am IST