Gujarati News

રાજકોટ તા. ૨૦: મલબાર ગોલ્ડ એન્ડ ડાયમંડ્સના યાજ્ઞિક રોડ ખાતેના શો રૂમના ઉદ્દઘાટન પ્રસંગે આવેલા અભિનેતા અનિલ કપૂરે પદ્માવત ફિલ્મ રિલીઝ થાય તે માટે પોતે ભગવાનને પ્રાર્થના કરી રહ્યાની વાત મિડીયાના સવાલનો જવાબ આપતાં જણાવતાં રાજકોટ પદ્માવત સંઘર્ષ સમિતી અભિનેતાના આવા નિવેદનથી રોષે ભરાઇ હતી. સમિતીના આગેવાનો મલબારના શો રૂમે પહોંચ્યા હતાં અને અનિલ કપૂરના ઉદ્દબોધનથી રાજપૂત સમાજની લાગણી દુભાઇ હોવાની લાગણી વ્યકત કરી હતી. તેમજ કાળા વાવટા કે અન્ય કોઇ કાર્યક્રમો આપવા પડે એ પહેલા અભિનેતા દિલગીરી વ્યકત કરે તેવી માંગણી કરતાં અનિલ કપૂરે લેખિતમાં માફી માંગી રહ્યાનું જાણવા મળે છે.