Gujarati News

Gujarati News

News of Sunday, 18th October 2020

સામાન્ય અકસ્માત બાદ કારચાલકે એસટી ડ્રાઇવરને પાઇપથી ફટકાર્યાઃ છોડાવવા આવનારને પણ ઢીકાપાટુઃ વિડીયો વાયરલ

ઢેબર રોડ ભુતખાના ચોક નજીક બનાવઃ કાર ચાલક ગાળો બોલી ફટકારતો હોય તેવો વિડીયો થયો વાયરલઃ જીજે૦૩એલજી-૪૨૧૩નંબરની કારના ચાલક સામે ગુનો નોંધી શોધખોળ કરતી પોલીસ

રાજકોટઃ શહેરમાં સામાન્ય અકસ્માતને પગલે મારામારીના બનાવ અવાર-નવાર બની જાય છે. ગત સાંજે સાતેક વાગ્યે ખેડબ્રહ્મા-જુનાગઢ રૂટની એસટી બસ નં. જીજે૧૮ઝેડ-૬૦૮૪ રાજકોટ બસ સ્ટેશનથી જુનાગઢ જવા નીકળી ત્યારે ઢેબર રોડ ભુતખાના ચોક નજીક નવરંગ ફર્નિચર પાસે પહોંચતા જીજે૦૩એલજ-૪૨૧૩ નંબરના કારનો ચાલક રોડ ડિવાઇડરના ગેપમાંથી ટર્ન લઇ નીકળતાં બસ સાથે અડી જતાં બંને વાહનમાં જરા-જરા નુકસાન થયું હતું. આ બનાવ બાદ કારચાલકે રોડ પર ઉતરી બસના ડ્રાઇવર અરવલ્લીના ભીલોડા તાબેના મલાસા ગામના ખેડબ્રહ્માના વતની વાલજીભાઇ સુકાભાઇ અસોડા (ઉ.વ.૪૬)ને સ્ટીલના પાઇપથી માર મારી બેફામ ગાળો ભાંડી હતી. આ ઉપરાંત બીજી બસના ડ્રાઇવર રાજેન્દ્રભાઇ મેરામણભાઇ પારઘી છોડાવવા આવતાં તેને પણ ઢીકાપાટુ મારી લઇ બેફામ ગાળો ભાંડી હતી અને બાદમાં તે કાર લઇને જતો રહ્યો હતો. બનાવને પગલે બસ રોડ પર મુકી દેવાતાં થોડો સમય ટ્રાફિક જામ થઇ જતાં પોલીસ પહોંચી હતી. ભકિતનગરના પીએસઆઇ આર. એન. હાથલીયાએ વાલજીભાઇની ફરિયાદ પરથી કારચાલક સામે આઇપીસી ૧૮૬, ૩૩૨, ૫૦૪, ૪૨૭, ૧૩૫ મુજબ ગુનો નોંધી તેની શોધખોળ હાથ ધરી છે. તસ્વીરમાં બસ અને ફરિયાદ માટે પહોંચેલા ડ્રાઇવર તથા અન્ય તસ્વીરોમાં કઇ રીતે ડ્રાઇવરને ફટકારાયા તેના વિડીયોના દ્રશ્યો જોઇ શકાય છે.

(12:49 pm IST)
  • પટણા એરપોર્ટ ઉપર કેન્દ્રીય મંત્રી રવિશંકર પ્રસાદના હેલીકૉપટરના બે પંખા તૂટ્યા : ચૂંટણી પ્રચાર કરી પરત ફરી રહ્યા હતા : તેમની સાથે બિહારના બે મંત્રીઓ મંગલ પાંડે તથા સંજય ઝા પણ હતા : બાલ બાલ બચાવ access_time 8:12 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST

  • અબડાસા પેટા ચૂંટણી ફોર્મ ચકાસણીનું કાર્ય પૂર્ણ.:32 ફોર્મ માંથી 7 ફોર્મ રદ્દ થયા:ઉમેદવારોના 25 ફોર્મ માન્ય :હાલ સુધીના ચિત્ર પ્રમાણે 19 ઉમેદવારો વચ્ચે ખેલાશે ચૂંટણીનો જંગ: હજી ઉમેદવારી પત્ર પાછા ખેંચનાવાનું બાકી... access_time 6:15 pm IST