Gujarati News

Gujarati News

News of Saturday, 18th June 2022

વરસાદમાં ભીના રસ્‍તા પર બાઇક ચલાવવા માટે ટાયર પરફેક્‍ટ અને ગ્રીપ વાળા હોવા જોઇએ નહીંતર બ્રેક મારતા સ્‍લીપ થઇ અકસ્‍માત થઇ શકે

સારી પકડના ટાયરનો ઉપયોગ કરવો જોઇએઃ પાણી ભરાતા હોય તેવી જગ્‍યા પર બાઇક ન ચલાવવુ

રાજકોટઃ ચોમાસાની ઋતુમાં ચાલુ વરસાદે બાઇક ચલાવવા ટાયર પરફેક્‍ટ અને ગ્રીપવાળા હોવા જોઇએ. ભીના રસ્‍તા પર બ્રેક મારતા સ્‍લીપ થતા અકસ્‍માત થઇ શકે છે. પાણી ભરાયુ હોય તેવી જગ્‍યા કે રોડ પર બાઇક ચલાવવાનું ટાળવુ જોઇએ.

આજકાલ લોકો ફૂલ સ્પીડે બાઈક દોડાવવાના શોખીન બન્યા છે. પરંતુ હાલ ચોમાસું છે, થોડું ધ્યાન રાખી દેજો. નહીં તો મોટી મુશ્કેલી ભોગવવા તૈયાર રહેજો. જો તમે ચોમાસાની સીઝનમાં બાઈક ચલાવો છો તો તમારે અમુક વાતોનું ખાસ ધ્યાન રાખવાની જરૂર છે. જોકે, ચોમાસા દરમિયાન મોસમ મસ્તમા હોય છે અને એવામાં બાઈક રાઈડિંગની અલગ જ મઝા હોય છે. પરંતુ જો રાઈડર અમુક વાતોનું ધ્યાન ન રાખે તો આ મઝા સજામાં ફેરવાઈ શકે છે. એવામાં આજે અમે તમને એવી ભૂલો વિશે જણાવવા જઈ રહ્યા છીએ, જેનાથી ચોમાસાની સીઝનમાં બાઈક રાઈડ કરતી વખતે તમારે બચવું જોઈએ.

સારી પકડ વાળા ટાયરનો ઉપયોગ કરવો

જો તમે ચોમાસાની ઋતુમાં એટલે કે વરસાદની ઋતુમાં બાઇક ચલાવો છો, તો તમારે ખાતરી કરી લેવી પડશે કે તમારી બાઇકના ટાયર પરફેક્ટ છે અને તેની ગ્રીપ સારી છે. જો તમે સારી પકડ વગરના ટાયરનો ઉપયોગ કરવાની ભૂલ કરો છો, તો તે અકસ્માતનું કારણ બની શકે છે. તેથી, આ ભૂલ ન કરો.

ફન માટે હાઇ સ્પીડ બાઇકિંગ

વરસાદની મોસમમાં ફન માટે સ્પીડમાં બાઇક ચલાવવાની ભૂલ ન કરવી જોઈએ કારણ કે વરસાદના પાણીને કારણે રસ્તાઓ ભીના થઈ ગયા હોય છે, જેના પર વધુ સ્પીડમાં બાઇક સ્લિપ થવાની સંભાવના વધારે હોય છે. જ્યારે તમે વધુ ઝડપે બ્રેક લગાવો છો, ત્યારે બાઇક ઝડપથી સ્લિપ થઈ જાય છે, જેના કારણે અકસ્માત થઈ શકે છે. આ ટાળવું જોઈએ.

પાણી ભરાયા હોય તેવી જગ્યાએ બાઈક હંકારી મસ્તી કરવી

વરસાદની મોસમમાં ઠેર-ઠેર પાણી ભરાઈ જાય છે. આવી સ્થિતિમાં જો તમે બાઇકને પાણી ભરાયેલા સ્થળોએ લઈ જાઓ છો, તો તમે મજા માણી શકો છો, આ મજા પણ જબરજસ્ત હોઈ શકે છે કારણ કે વધુ પાણી ભરાયેલા સ્થળોએ જવાથી બાઇકના એન્જિનમાં પાણી ઘૂસી શકે છે અને તે સિઝલ પણ બની શકે છે. . એટલા માટે જે જગ્યાએ વધુ પાણી ભરાય છે ત્યાં જવાની ભૂલ ન કરો.

(5:25 pm IST)