Gujarati News

Gujarati News

News of Thursday, 17th September 2020

૧.૪૩ કરોડના જ્વલંતશીલ પ્રવાહી સાથે પકડાયેલા બંને શખ્સ ૪ દિ' રિમાન્ડ પર

ક્રાઇમ બ્રાંચે નુરાનીપરા પાસેના ડેલામાંથી અઢી લાખ લિટર પ્રવાહી કબ્જે કર્યુ હતું: સિધ્ધરાજસિંહ અને સુરેન્દ્રસિંહની વિશેષ તપાસ

રાજકોટ તા. ૧૭: શહેર ક્રાઇમ બ્રાંચે કોઠારીયા સોલવન્ટ પાસે નુરાનીપરાની બાજુમાં વાઘેલા મોટર્સ પ્રા.લિ.ની પાછળના ભાગે રાજશકિત પેટ્રો કેમિકલ્સ પ્રા.લિ.ના ડેલામાં સંતોષભાઇ રબારી અને કરણભાઇ મારૂની બાતમી પરથી દરોડો પાડી રૂ. ૧,૪૩,૩૪,૦૦૦નો ૨,૫૦,૦૦૦ લિટર જ્વલંતશીલ પ્રવાહીનો જથ્થો પકડી લીધો હતો. આ મામલે સિધ્ધરાજસિંહ દેવેન્દ્રસિંહ ઝાલા અને સુરેન્દ્રસિંહ મહિપતસિંહ ગોહિલ (રહે. બંને રાજકોટ) વિરૂધ્ધ ડીસીપી પોલીસ સ્ટેશનમાં ગુનો દાખલ થયો હતો. બંનેનો કસ્ટડી સમય પુરો થતાં કોર્ટમાં રજૂ કરી રિમાન્ડ માંગણી કરવામાં આવતાં બનેના ચાર દિવસના રિમાન્ડ મંજુર થયા છે. પોલીસ કમિશનર શ્રી મનોજ અગ્રવાલ, જેસીપી શ્રી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજાની સુચના હેઠળ પીઆઇ આર.વાય. રાવલની રાહબરીમાં પીએસઆઇ યુ. બી. જોગરાણા અને ટીમ વધુ તપાસ કરે છે. બંને વિરૂધ્ધ ગેરકાયદેસર રીતે જ્વલંતશીલ જથ્થો પાસ પરમીટ કે લાયસન્સ વગર સંગ્રહ કરી રાખવાનો અને સુરક્ષાના સાધનો પણ નહિ રાખવાનો ગુનો નોંધાયો હતો.

(4:00 pm IST)
  • બાબરી ધ્વંસના 48 આરોપીઓ પૈકી 16 ના મૃત્યુ થઇ ચુક્યા છે : બાકીના 32 માં લાલકૃષ્ણ અડવાણી ,મુરલી મનોહર જોશી ,ઉમા ભારતી ,સહિતનાઓનો સમાવેશ : 28 વર્ષ જેટલા લાંબા સમય સુધી ચાલેલી ટ્રાયલ દરમિયાન બાળાસાહેબ ઠાકરે ,અશોક સિંઘલ ,મહંત અવૈદ્યનાથ સહીત 16 આરોપીઓએ ચિર વિદાય લીધી : 30 સપ્ટેમ્બરના રોજ ચુકાદો access_time 12:28 pm IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • " ગમ ભૂલાનેકે લિયે મૈં તો પીયે જાતા હૂં " : દુઃખ ભૂલવા માટે ડ્રગ્સ લેવું પડતું હોય છે : ડ્રગ્સ લેનારની દુર્દશા અને મજબૂરીઓ વિશે કોઈને ખ્યાલ સુદ્ધા નથી હોતો : પૂજા ભટ્ટની ફિલોસોફી access_time 6:10 pm IST