Gujarati News

Gujarati News

News of Thursday, 17th September 2020

પાણી પુરવઠા બોર્ડના ૧૩૨ કર્મી.ઓએ ટેસ્ટ કરાવ્યોઃ બે પોઝિટિવ

મુખ્યમંત્રીના ટેસ્ટ ઇસ્ટ બેસ્ટના મંત્રને ચરિતાર્થ કરતું બોર્ડ

રાજકોટ તા. ૧૭ : મુખ્યમંત્રીશ્રી વિજયભાઈ રૂપાણીએ  'ટેસ્ટ ઇઝ બેસ્ટ'નું સૂત્ર આપીને કોરોનાથી ડર્યા વગર કોરોનાનો ટેસ્ટ કરાવવા માટે સમગ્ર ગુજરાતની જનતાને આહવાહન કર્યું છે. આ આહવાહનને ઝીલીને રાજકોટ સ્થિત ગુજરાત પાણી પુરવઠા અને ગટર વ્યવસ્થા બોર્ડની તામામ કચેરીઓના ૧૩૨ કર્મચારીઓ/અધિકારીશ્રીઓના એન્ટીજન ટેસ્ટ કરવામાં આવ્યા હતા.

રાજકોટ મહાનગરપાલિકાના આરોગ્ય વિભાગના સહકારથી તા.૧૫/૦૯/૨૦૨૦ના રોજ સવારના ૧૦.૩૦ થી ૧૨.૩૦ દરમ્યાન જલ ભવન ખાતે યોજાયેલ આ  આરોગ્યની તપાસ અને કોરોના એન્ટીજન ટેસ્ટમાં બે કર્મયોગીઓનો કોરોના રીપોર્ટ પોઝીટીવ આવ્યો હતો.તેમને હોમ કવોરોન્ટાઇન કરવામાં આવ્યા છે. તથા આ કચેરીમાં આવેલ કોરોના પોઝીટીવ કેસને ધ્યાને લઈ સમગ્ર કચેરીને સેનીટાઈઝ કરવામાં આવી હતી. તેમ ગુજરાત પાણી પુરવઠા અને ગટર વ્યવસ્થા બોર્ડના મુખ્ય ઇજનેરશ્રીની યાદીમાં જણાવાયુ છે.

(1:26 pm IST)
  • ઉમરપાડામાં ખતરનાક વરસાદ : બે કલાકમાં અનરાધાર ૧૧ ઇંચ : વલસાડ: ઉમરપાડામાં બે કલાકમાં ૧૧ ઈંચ વરસાદ ખાબક્યો access_time 7:29 pm IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST