Gujarati News

Gujarati News

News of Thursday, 17th September 2020

બાઇક અડી ગયાનો ખાર રાખી વ્હોરા યુવાન સાથે ઝઘડો, ફરિયાદ કરવા જતાં તેના પિતાને ઘુસ્તાવ્યા

પાંજરાપોળ પાસે બનાવઃ દિપક અને ભીખાએ હુમલો કર્યાની રાવ

રાજકોટ તા. ૧૭: પાંજરાપોળ પાસે ભવાની ચાવાળી શેરીમાં રહેતાં અને કટલેરીની ફેરી કરતાં અસગરઅલી અકબરઅલી કપાસી (ઉ.વ.૬૨) નામના દાઉદી વ્હોરા વૃધ્ધને આ વિસ્તારના જ દિપક કોળી અને ભીખા કોળીએ લાફા મારી તેમજ પેટમાં ઘુસ્તા મારી મુંઢ ઇજા કરતાં સિવિલ હોસ્પિટલમાં દાખલ કરવામાં આવતાં ચોકીના સ્ટાફે બી-ડિવીઝનમાં જાણ કરી હતી.

અસગરઅલીના પુત્ર હુશેનઅલી કપાસીના કહેવા મુજબ તેનાથી અગાઉ દિપકને ભુલથી સ્હેજ બાઇક અડી ગયું હતું. તેનો ખાર રાખી ગત રાતે પોતે કામેથી આવતો હતો ત્યારે આ બંનેએ અટકાવી ઝઘડો કરી માથાકુટ કરતાં પોતે અને ભાઇ ફરિયાદ કરવા જતાં પાછળથી આ બંનેએ ઘરે આવી પિતા અસગરઅલી સાથે ઝઘડો કરી તેને મારકુટ કરી લીધી હતી. આ બંને અવાર-નવાર આ રીતે કારણ વગર ડખ્ખા કરતાં હોવાનો આક્ષેપ કરાયો હતો.

નવાગામમાં વિનોદને મિત્રએ મજાકમાં કંઇક મારી દીધું

નવાગામ સોસાયટી શેરી નં. ૮માં રહેતાં વિનોદ ગોરધનભાઇ જાકેરીયા (ઉ.વ.૨૭)ને કાના નામના તેના જ મિત્રએ રાતે મજાક-મજાકમાં કંઇક મારી દેતાં સિવિલ હોસ્પિટલમાં ખસેડાતાં હોસ્પિટલ ચોકીના સ્ટાફે કુવાડવા પોલીસને જાણ કરી હતી. જો કે વિનોદે ફરિયાદ નોંધાવવાનું ટાળ્યું હતું.

(1:05 pm IST)
  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST