Gujarati News

રાજકોટ, તા.૧૭: ગુરૂપ્રેમના આજીવન ચરણોપાસક પૂ.આ.શ્રી વિ.કુલચંદ્રસૂરીશ્વરજી (કે.સી.) મ.સા.નો બાર વર્ષ બાદ રાજકોટમાં તા.૨૧ના રોજ નાગેશ્વર પાર્શ્વનાથ જૈન સંઘ, જામનગર રોડ ખાતે ભવ્ય નગરપ્રવેશ બાદ પધરામણી કરશે.જેમાં તા.૨૧ને રવિવારે પૂ.શ્રીનું સવારે ૭:૩૦ કલાકે દ્વારકાધીશ પેટ્રોલ પંપથી સામૈયા શરૂ થશે જે વાજતે ગાજતે ૮ વાગ્યે નાગેશ્વર જૈન સંઘમાં પ્રવેશ કરશે. ત્યારબાદ કે.સી.મ.સા. માંગલીક પ્રવચન ફરમાવશે. ઉપસ્થીત ભાવીકો માટે સવારે ૯ કલાકે નવકારશી રાખવામાં આવેલ છે.જયારે તા.૨૨ને સોમવારના રોજ પ. પૂ.તપાગચ્છાધિપતિ આ.શ્રી વિ.પ્રેમસૂરીશ્વરજી મ.સા.ના સૌ પ્રથમ ગુરૂમંદિરનું સવારે ૯ કલાકે પૂ.કુલચંદ્રસુશ્વરજી (કે.સી.) મ.સા.ની પાવન નિશ્રામાં ખાતમુર્હત યોજાશે. આ સમગ્ર કાર્યક્રમમાં પધારવા શ્રી નાગેશ્વર પાર્શ્વનાથ જૈન સંઘ ભાવભર્યુ આમંત્રણ પાઠવ્યુ છે.