Gujarati News

Gujarati News

News of Wednesday, 16th September 2020

મ. ન. પા.ની કચેરીમાં કોરોનાં કહેરથી સન્નાટો

પદાધિકારી-કોર્પોરેટરો-અધિકારીઓ કોરોનાં સંક્રમતિ થવા લાગતાં જબરો ફફડાટઃ દરેક વિભાગો ખાલી-ખાલીઃ અરજદારો પણ નથી ફરકતા

રાજકોટ તા. ૧૬ :.. શહેરને કોરોનાથી બચાવવા માટે છેલ્લા ૭-૭ મહીનાથી દિવસ - રાત ફરજ બજાવતુ મ્યુ. કોર્પોરેશનનું તંત્ર હવે કોરોનાં ગ્રસ્ત થવા લાગ્યું છે. જેનાં કારણે મ. ન. પા.ની કચેરીઓમાં સન્નાટો છવાયો છે.

સતત કોરોનાની કામગીરીમાં ફરજ બજાવાતાં ડે. કમિશનર, આસીસ્ટન્ટ, કમિશનર, કોર્પોરેટરો, મેયર, તેમજ વિવિધ વિભાગનાં કર્મચારીઓ, સફાઇ કામદારો સહિત ર૦૦ થી વધુ મ્યુનિસીપલ કર્મચારીઓ કોરોનાં સંક્રમતિ થયા છે. જેનાં કારણે હવે મ્યુનિસીપલ કોર્પોરેશનની સેન્ટ્રલ ઝોન કચેરીમાં મોટા ભાગની ઓફીસો ખાલી રહે છે.

દરેક વિભાગમાં માંડ - બે ચાર કર્મચારીઓ હોય છે. ભાજપ-કોંગ્રેસનાં કાર્યાલયો, મેયર સહિતનાં પદાધિકારીઓનાં કાર્યાલયોમાં સન્નાટો છવાયેલો રહે છે. અરજદારો પણ ફરકતા નથી.

એટલું  જ  નહી અરજદારો પણ કોર્પોરેશન કચેરીએ જતાં ડરી રહ્યા છે. આથી અહીં અરજદારો પણ અત્યંત નજીવી સંખ્યામાં આવી રહ્યા છે.

(3:38 pm IST)
  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • મોડી રાત્રે અત્યારે કચ્છ બાજુ ભૂજ સહિતના વિસ્તારો ઉપર વાદળોના ગંજ ખડકાયા હોવાનું ઇન્સેટ તસ્વીરમાં દર્શાય છે. સૌરાષ્ટ્ર ઉપર પણ સામાન્ય વાદળાઓ મંડરાઈ રહયા છે access_time 10:50 pm IST