Gujarati News

Gujarati News

News of Wednesday, 16th September 2020

સગીરાના અપહરણના ગુનામાં બે વર્ષથી ફરાર બરવાળાનો નિકુંજ સોલંકી ઝડપાયો

ક્રાઇમ બ્રાંચ અને અમદાવાદ એસઓજીની ટીમે નીકુંજને અમદાવાદથી દબોચ્યો : અપહૃત સગીરાને પરિવારજનોને સોંપી

રાજકોટ,તા. ૧૬: સામાકાંઠા વિસ્તારની સગીરાના અપહરણના ગુનામાં બે વર્ષથી ફરાર શખ્સને ક્રાઇમ બ્રાંચ, ફર્લો સ્કવોડ અને અમદાવાદ એસઓજીની ટીમે અમદાવાદના સરખે જ પાસેથી પકડી લીધો હતો.

મળતી વિગત મુજબ શહેર પોલીસ કમિશનર મનોજ અગ્રવાલ તથા જોઇન્ટ પોલીસ કમિશનર ખુરશીદ અહેમદ, ડીસીપી પ્રવિણકુમાર મીણા, મનોહરસિંહ જાડેજાએ નાસતા ફરતા આરોપીઓને પકડી પાડવા માટે સુચના આપતા ક્રાઇમ બ્રાંચના પી.આઇ. વી.કે.ગઢવીના માર્ગદર્શન હેઠળ પીએસઆઇ વી.જે.જાડેજા એએસઆઇ જયેશભાઇ નીમાવત, રાજદીપસિંહ ગોહીલ, હેડ કોન્સ. ચેતનસિંહ ચુડાસમા, હિતેન્દ્રસિંહ  ઝાલા , મહેન્દ્રસિંહ જાડેજા,અમીનભાઇ ભલુર, હીરેન્દ્રસિંહ પરમાર, સ્નેહભાઇ ભાદરકા, સંજયભાઇ રૂપાપરા તથા મહેન્દ્રસિંહ જાડેજા સહિત પેટ્રોલીંગમાં હતા. ત્યારે પીએસઆઇ  વી.જે.જાડેજાને મળેલી બાતમીના આધારે અમદાવાદ એસઓજીના હરપાલસિંહ વાઘેલાને સાથે રાખી સગીરાના અપહરણના ગુનામાં બે વર્ષથી ફરાર નીકુંજ -જેઠાભાઇ સોલંકી (ઉવ.૨૮) (રહે. મુળ ઠક્કરબાપા સોસાયટી બરવાળા, જી બોટાદ હાલ અમદાવાદ સરખેજના ગાયત્રીનગર)ને સરખેજ -ગાયત્રીનગરમાંથી પકડી લીધો હતો. પકડાયેલો નીકુંજ બે વર્ષ પહેલા સામાકાંઠા વિસ્તારની સગીરાને ભગાડી ગયો હતો. આ શખ્સ અગાઉ  અપહરણના ગુનામાં અમદાવાદ વાસણા પોલીસ મથકમાં પકડાયા બાદ તેને જેલ હવાલે કરવામાં આવ્યો હતો. જેલમાંથી છુટ્યા બાદ ત્રણ વર્ષ પહેલા તેજ સગીરાને રાજકોટ સામાકાંઠા વિસ્તારમાંથી ભગાડી ગયો હતો. ક્રાઇમબ્રાંચની ટીમે સગીરાને મુકત કરાવી હતી.

(2:41 pm IST)
  • અરુણાચલ પ્રદેશના મુખ્યમંત્રી પ્રેમા ખાંડુનો કોરોના રિપોર્ટ પોઝિટિવ : ગઈકાલે રક્ષામંત્રી રાજનાથ સિંહ સાથે મુલાકાત થઇ હતી : ટ્વીટર ઉપર જાણ કરી access_time 8:44 pm IST

  • આઈપીએલ માટે તમામ ટીમોમાં સૌથી મોટો પડકાર ગરમી હશે : મુંબઈ ઈન્ડિયન્સ ટીમના બોલર ટ્રેન્ટ બોલ્ટે કહ્યુ કે આઈપીએલની આ સીઝનમાં તમામ ટીમો માટે સૌથી મોટો પડકાર દુબઈની ગરમ અને ભેજવાળી સ્થિતિમાં એડજસ્ટ થવાનો રહેશે : હાલમાં ન્યુઝીલેન્ડમાં શિયાળો હોય છે જયારે અહિં ૪૫ ડિગ્રી તાપમાનમાં રણની વચ્ચે શરીરને ઢાળવવુ પડશે access_time 3:31 pm IST

  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST