Gujarati News

ક્રાઇમ બ્રાંચે લગ્ન સમારંભમાં ઘુસી જઇ ચોરી કરતી ટોળકીના યુવાન, મહિલા અને એક સગીરને રાજસ્થાનથી ઝડપી લીધા છે. પોલીસ પાસે શકમંદોના વિડીયો ફૂટેજ હતાં તેના આધારે રાજસ્થાન અલવર ખાતેથી આ ટોળકીને પકડવામાં સફળતા મળી છે. ટોળકીનો સાગ્રીત અને સાથેનો ટેણીયો ગમે તેના લગ્નમાં ઠાઠ-માઠ સજી નવા કપડા, બૂટ પહેરી તેમજ લેટેસ્ટ હેરસ્ટાઇલવાળો લૂક ધારણ કરી કોઇપણ જાતના ભય વગર ઘુસી જતાં હતાં અને મોટે ભાગે મહિલાઓની આસપાસ જ રહેતાં હતાં. દાગીના જે મહિલાની પાસે હોઇ તેની આસપાસ જ બેઠક શોધી લેતા અને તક મળતાં જ દાગીનાની થેલી ઉઠાવી લેતાં હતાં. તસ્વીરોમાં મહિલાઓની વચ્ચે ગઠીયો તથા જાનૈયાઓ વચ્ચે મહેમાન બની બેઠેલો ટેણીયો સાગ્રીત જોઇ શકાય છે