Gujarati News

Gujarati News

News of Thursday, 15th February 2018

રૂખડીયાપરામાં મોડી રાતે પોણા બે વાગ્યે લગ્નમાં ડી. જે. વગાડતાં નયનની ધરપકડ

રાજકોટ તા. ૧૫: રેલનગર અમૃત રેસીડેન્સી બ્લોક નં. ૧૩માં રહેતાં નયન બાલાભાઇ પરમાર (ઉ.૩૧) નામના યુવાને રાત્રે પોણા બે વાગ્યે રૂખડીયાપરા-૧માં ડી.જે. સિસ્ટમ વગાડી અવાજનું પ્રદુષણ ફેલાય તેવું કૃત્ય કરતાં જાહેરનામા ભંગનો ગુનોનોંધાયો છે.

પ્ર.નગર પોલીસને કોલ મળતાં પી.એસ.આઇ. યુ. બી. જોગરાણા, આનંદભાઇ સહિતના સ્ટાફે પહોંચી ડી. જે. બંધ કરાવી નયન પરમાર સામે જીપીએકટ ૧૩૫ મુજબ પોલીસ કમિશ્નરના જાહેરનામાનો ભંગ કરી ધરપકડની કાર્યવાહી કરી હતી. રૂખડીયાપરામાં લગ્ન પ્રસંગ હોઇ નયન પોતાની ડી. જે. સિસ્ટમ લઇ વગાડવા ગયો હતો. પણ મોડી રાત સુધી મોટા અવાજે સિસ્ટમ વાગતી હોઇ રહેવાસીઓએ પોલીસને ફોન કરતાં કાર્યવાહી થઇ હતી.

(12:36 pm IST)
  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • મહારાષ્ટ્રમાં વાવાઝોડાએ અબજોની તબાહી સર્જી : ૧૯૦૦ ગામડાના પાક સાફ :મહારાષ્ટ્રમાં ૩ દિવસના તોફાની વરસાદ - બરફના કરાના તોફાન અને વાવાઝોડાથી ૧૯૦૦ ગામડાના પાકની તબાહી : બે લાખ હેકટર ઉપર ઉભો પાક સાફ થઈ ગયો : અબજો - અબજો રૂપિયાનું નુકશાનઃ મહારાષ્ટ્ર સરકારે આ કુદરતી તબાહી માટે કેન્દ્ર પાસે ૨૦૦ કરોડ માગ્યા access_time 4:09 pm IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 12:24 pm IST