News of Wednesday, 14th February 2018

ગોંડલ રોડ પુનિતનગર પાછળ ગોવિંદ રત્ન ગ્રીનસીટીમાં ત્રણ મકાનમાં તસ્કરો ત્રાટકયા

પંકજભાઇ પટેલના ઘરમાંથી ૧.૨૦ લાખની મત્તા ગઇઃ અન્ય બે મકાનમાં ચોરી

રાજકોટ તા. ૧૪: તસ્કરોએ ઉપાડો લેવાનું ચાલુ જ રાખ્યું છે. ગોંડલ રોડ પર પુનિતનગર પાછળ આવેલા ગોવિંદરત્ન ગ્રીનસીટીમાં તસ્કરોએ ત્રણ મકાનના તાળા તોડી હાથફેરો કર્યા છે. ફૂટવેરના હોલસેલ વેપારી પંકજભાઇ પટેલના મકાનની બારી તોડી અંદર ઘુસી તસ્કરો રૂ. ૧ લાખ ૨૦ હજારની રોકડ ચોરી ગયા છે. આ પરિવાર ઘરમાં જ સુતો હતો. તેની ઉંઘમાં ખલેલ પાડ્યા વગર આ ચોરી કરાઇ હતી. બાજુમાં આવેલા લક્ષ્મીશંકરભાઇ જોષીના બંધ મકાનમાં ચોરીનો પ્રયાસ થયો છે. તેઓ અમરેલી ગયા હતાં. અન્ય એક મકાનમાં પણ તાળા તુટ્યા છે. આ મકાન ગ્રીનસીટીની પાછળના ભાગમાં છે. જ્યાં ચોરી થઇ તે મકાનો અને વેરવિખેર ચીજવસ્તુઓ જોઇ શકાય છે. તાલુકા પોલીસને જાણ થતાં પી.એસ.આઇ. એમ. ટી. રબારી અને ડી. સ્ટાફ દોડી ગયો હતો. જો કે ફરિયાદ નોંધાવાઇ નથી. (ફોટોઃ સંદિપ બગથરીયા)

(4:55 pm IST)
  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST

  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST

  • મહારાષ્ટ્રમાં વાવાઝોડાએ અબજોની તબાહી સર્જી : ૧૯૦૦ ગામડાના પાક સાફ :મહારાષ્ટ્રમાં ૩ દિવસના તોફાની વરસાદ - બરફના કરાના તોફાન અને વાવાઝોડાથી ૧૯૦૦ ગામડાના પાકની તબાહી : બે લાખ હેકટર ઉપર ઉભો પાક સાફ થઈ ગયો : અબજો - અબજો રૂપિયાનું નુકશાનઃ મહારાષ્ટ્ર સરકારે આ કુદરતી તબાહી માટે કેન્દ્ર પાસે ૨૦૦ કરોડ માગ્યા access_time 4:09 pm IST