Gujarati News

Gujarati News

News of Wednesday, 14th February 2018

પેડક રોડ પર ડખ્ખોઃ હવામાં ફાયરીંગઃ ૧ને ઇજા

પ્રદિપ પટેલ (ઉ.૨૯) સારવારમાં: સુરેશ રૈયાણી સહિત ૮ જણાએ ધોકાથી હુમલો કરી હવામાં ફાયરીંગ કર્યાનું કહ્યું: દુકાનનો કાટમાળ ફેંકવા બાબતે માથાકુટ

રાજકોટઃ શહેરમાં અવાર-નવાર સરાજાહેર ડખ્ખા થતાં રહે છે અને એક બીજા પર ટોળા સશસ્ત્ર હુમલા કરતાં રહે છેઃ ગમે ત્યાં ગમે ત્યારે હથીયારોમાંથી ફાયરીંગની ઘટનાઓ પણ બને છેઃ ત્યારે આજે બપોરે પોણા ચારેક વાગ્યે સામા કાંઠે બ્રહ્મક્ષત્રિયની વાડી પાસે ઉદય કારગો નજીક બે જૂથ વચ્ચેની અથડામણમાં એક જૂથે હવામાં ફાયરીંગ કરતાં ચકચાર મચી ગઇ છેઃ બનાવ સ્થળે લોકોના ટોળા ઉમટી પડ્યા છેઃ બનાવની જાણ થતાં બી-ડિવીઝનના પી.એસ.આઇ. ખાચર, મહેશગીરી, મહેશભાઇ મંઢ, અજીતભાઇ તેમજ ક્રાઇમ બ્રાંચનો કાફલો દોડી ગયો છેઃ પટેલ એમ. વિઠ્ઠલદાસ કુરીયર નામની દૂકાન ઉપર આવેલી એક અન્ય દૂકાનનું રિનોવેશન ચાલતું હોઇ તેનો કાટમાળ ફેંકવા બાબતે માથાકુટ થઇ હતીઃ સુરેશ રૈયાણી અને બીજા ૯ જણાએ માથાકુટ કર્યાનું સામે આવ્યું છે. સુરેશ સાથે કેટલાક ભરવાડ શખ્સો હોવાનું ચર્ચાય છે.

પ્રદિપ મંગળભાઇ પટેલ (ઉ.૨૯-રહે. રણછોડનગર-૨) બપોરે પેડક રોડ પર હતો ત્યારે સુરેશ રૈયાણી અને બીજા ૯ અજાણ્યા શખ્સોએ ઝઘડો કરી ધોકાથી માર મારી ઇજા કરતાં અને હવામાં ફાયરીંગ કરતાં સારવાર માટે સિવિલ હોસ્પિટલમાં દાખલ થયો છે. વધુ વિગત મેળવાઇ રહી છે.  ફાયરીંગ કોઇ ભૂપતનામના શખ્સે કર્યાની ચર્ચા જોરશોરમાં છે.

 

(4:47 pm IST)
  • અરુણાચલ પ્રદેશના મુખ્યમંત્રી પર એક મહિલાએ જાતીય દુર્વ્યવહારનો આરોપ મૂક્યો છે. ભોગ બનનારે નેશનલ કમિશન ફોર વુમનની મદદની માગણી કરતા જણાવ્યું હતું કે 10 વર્ષ પહેલાં અરુણાચલ પ્રદેશના મુખ્યમંત્રી પેમા ખાંડુંએ તેનું શારીરિક શોષણ કર્યું હતું. રાષ્ટ્રીય મહિલા કમિશનએ મહિલાની ફરિયાદ પર યોગ્ય પગલાંની ખાતરી આપી છે. access_time 1:55 am IST

  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST