News of Wednesday, 14th February 2018

રવિવારે સમૂહલગ્ન : ૭ દિકરીઓને વિનામૂલ્યે કરીયાવર આપી સાસરે વળાવાશે

ફેમીલી ગ્રુપનું આયોજન : સંતો - મહંતો હાજરી આપશે

રાજકોટ, તા. ૧૪ : ફેમીલી ગ્રુપ દ્વારા આગામી તા.૧૮ના રવિવારે બીજા સર્વ જ્ઞાતીય સમૂહલગ્નનું આયોજન કરવામાં આવેલ છે. જેમાં સાત દિકરીઓને વિનામૂલ્યે ઘરવખરી પૂરીની વસ્તુઓ પૂરી પાડવામાં આવશે. ભગીરથ કાર્ય ફેમીલી ગ્રુપ દ્વારા કરવામાં આવી રહ્યુ છે. સવારે ૬:૩૦ કલાકે સામૈયા, ૮:૩૦ કલાકે હસ્તમેળાપ, ૧૦:૩૦ કલાકે તેમજ ભોજન સમારંભ ૧૧ કલાકે રાખવામાં આવેલ છે. સમૂહલગ્ન જામનગર મેઈન રોડ, દ્વારકાધીશ પેટ્રોલ પંપની સામે, વીવો શો રૂમવાળી શેરી, મનહરપુર-૧ નજીક આવેલા મેદાનમાં રાખેલ છે.

આ પ્રસંગે પૂ. નાથા ભગત ચાવડા, રંઘોળાના પૂ. જેન્તી ભગત, રૈયાધારના શ્રી રાધેશ્યામ બાપુ અને મહિકા ગામના શ્રી દલપતગીરી બાપુ તેમજ મુખ્ય મહેમાનોમાં પોલીસ કમિશ્નરશ્રી અનુપમસિંહ ગહેલોત, સુરતના વાવ તાલુકાના અનિલભાઈ એમ. પટેલ રાજકોટ ડોકટર એસોસીએશનના પ્રમુખ ડો. ભરતભાઈ વેકરીયા ત્યારબાદ તાલુકા પ્રમુખ શ્રી પૃથ્વીરાજસિંહ જાડેજા (ઘોઘુભા) સહિતના હાજરી આપશે.

આ સમૂહલગ્નને સફળ બનાવવા ફેમીલી ગ્રુપ રાજકોટના પ્રમુખ જગદીશભાઈ નાનજીભાઈ સરવૈયા (મો.૯૫૭૪૭ ૭૦૭૪૨), દિલીપભાઈ નાથાભાઈ ગોહિલ (મો.૯૭૧૪૦ ૩૬૫૮૧), કિશોરભાઈ મનસુખભાઈ ચનાબાબા, પ્રવિણભાઈ પોપટભાઈ ચુડાસમા, દક્ષાબેન જગદીશભાઈ સરવૈયા, રમેશભાઈ અરજણભાઈ ચૌહાણ, ભાવનાબેન શ્યામભાઈ પંડિત, ભરતભાઈ બી. હંસોરા અને હિતેષભાઈ પરમાર સહિતના જહેમત ઉઠાવી રહ્યા છે.(

(4:16 pm IST)
  • મહારાષ્ટ્રમાં વાવાઝોડાએ અબજોની તબાહી સર્જી : ૧૯૦૦ ગામડાના પાક સાફ :મહારાષ્ટ્રમાં ૩ દિવસના તોફાની વરસાદ - બરફના કરાના તોફાન અને વાવાઝોડાથી ૧૯૦૦ ગામડાના પાકની તબાહી : બે લાખ હેકટર ઉપર ઉભો પાક સાફ થઈ ગયો : અબજો - અબજો રૂપિયાનું નુકશાનઃ મહારાષ્ટ્ર સરકારે આ કુદરતી તબાહી માટે કેન્દ્ર પાસે ૨૦૦ કરોડ માગ્યા access_time 4:09 pm IST

  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST

  • ૧૯ ફેબ્રુઆરી સોમવારથી ગુજરાત વિધાનસભા સત્રનો પ્રારંભ થશે access_time 3:40 pm IST