Gujarati News

Gujarati News

News of Wednesday, 14th February 2018

સ્લમ કવાર્ટરમાં દારૂ પીવા પૈસા માંગી સફાઇ કામદાર મહિલા પર હુમલો

લાભુબેન પુત્ર સાથે બાઇકમાં નીકળ્યા ત્યારે રાહુલ અને રોહિતે આંતરી હુમલો કર્યો

રાજકોટ તા. ૧૪: જામનગર રોડ પર સ્લમ કવાર્ટરમાં લાખાબાપાની વાડી પાસે રહેતાં અને મ્યુનિસિપલ કોર્પોરેશનમાં સફાઇ કામદાર તરીકે નોકરી કરતાં લાભુબેન અમરશીભાઇ ઝાલા (ઉ.૪૫) નામના વાલ્મિકી મહિલા ગત સાંજે પુત્ર અનિલ (ઉ.૨૦)ના બાઇકમાં બેસીને ઘર તરફ આવી રહ્યા હતાં ત્યારે રસ્તામાં રાહુલ હરેશભાઇ અને રોહિત નલીનભાઇ ચોૈહાણે આંતરી ઝઘડો કરી પાઇપથી હુમલો કરતાં લાભુબેનને ડાબા હાથે ઇજા થતાં સિવિલ હોસ્પિટલમાં દાખલ કરાયા હતાં.

બનાવ અંગે હોસ્પિટલ ચોકીના સ્ટાફે પ્ર.નગર પોલીસને જાણ કરી હતી. લાભુબેનના સગા મનિષભાઇના કહેવા મુજબ રાહુલ અને રોહિતે દારૂ પીવા પૈસા માંગતા લાભુબેન અને તેના પુત્રએ ન આપતાં બંનેએ હુમલો કર્યો હતો.

સામા પક્ષે રાહુલ પણ દાખલ થયો

સ્લમ કવાર્ટરમાં રહેતો રાહુલ હરીશભાઇ પરમાર (વાલ્મિકી) (ઉ.૨૦) પણ પોતાના પર લાભુબેનના પતિ અમરશીભાઇ ઝાલા અને હેમત ઝાલાએ હુમલો કર્યાની ફરિયાદ સાથે સિવિલમાં સારવાર લીધી હતી.

(12:35 pm IST)
  • ઇરાની રાષ્ટ્રપતિ હસન રૂહાની આજથી ભારતની ૩ દિવસીય યાત્રા ઉપર બપોરે ૪ વાગ્યે હૈદ્રાબાદ આવી પહોંચ્યા છે. કેન્દ્રીય મંત્રી આર.કે.સિધે તેમનું સ્વાગત કર્યું હતું access_time 4:29 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST