Gujarati News

Gujarati News

News of Sunday, 15th November 2020

વિજયભાઈ રાજકોટમાં ચોપડા પૂજનમાં હાજરી

ગરેડીયા કુવા રોડ ઉપર આવેલી તેમની દુકાને સાંજે પરિવારજનો સાથે ચોપડા પૂજન કરશે

રાજકોટ : રાજયના મુખ્યમંત્રી શ્રી વિજયભાઇ રૂપાણી આજે દિવાળી પર્વના શુભ દિવસે પરંપરા મુજબ આજે રાજકોટમાં છે. દિવસ દરમિયાન પોતાના નિવાસસ્થાને જ રહેશે. સાંજના ગરેડીયા કુવા રોડ ઉપર આવેલી તેમની દુકાને ચોપડા પૂજનમાં હાજરી આપનાર છે.

એરપોર્ટ પર જિલ્લા કલેકટર રેમ્યા મોહન, અધિક કલેકટર પરિમલ પંડ્યા, પ્રાંત અધિકારી ચરણસિંહ ગોહિલ, શહેર ભાજપ પ્રમુખ કમલેશ મીરાણી, ધારાસભ્યો ગોવિંદભાઈ પટેલ, લાખાભાઈ સાગઠીયા, અરવિંદભાઈ રૈયાણી અને મેયર બીનાબેન આચાર્યએ તેમનું સ્વાગત કર્યુ હતું.

સ્વાગતની ઓપચારીકતા પૂરી થયા બાદ મુખ્યમંત્રી વિજયભાઈ રૂપાણી પ્રકાશ સોસાયટી ખાતેના તેમના નિવાસસ્થાને પહોંચી ગયા હતા આજનો આખો દિવસ તે પોતાના પરિવારના સભ્યો સાથે રહેશે અને દિવાળીની ઉજવણી કરશે. આજે શહેર ભાજપના સરકારના કે અન્ય કોઈ પ્રકારના જાહેર કાર્યક્રમનું આયોજન કરવામાં આવેલ નથી. રૂપાણી પરીવારની પેઢી ગરેડીયા કુવા રોડ પર આવેલી છે અને ત્યાં સાંજે ચોપડા પૂજનનો કાર્યક્રમ રાખ્યો છે. આ કાર્યક્રમમાં પણ મુખ્યમંત્રી ઉપસ્થિત રહેશે.

શહેર ભાજપ પ્રમુખ શ્રી કમલેશભાઈ મિરાણીએ જણાવેલ કે મુખ્યમંત્રી શ્રી વિજયભાઈ રૂપાણી સવારે ૧૦ વાગ્યે પોતાના હોમટાઉન રાજકોટ આવી પહોંચ્યા હતા અને દિવસ દરમિયાન પોતાના ઘરે જ રહેશે. કોઈ સત્તાવાર કાર્યક્રમ નથી.

સાંજે ૬ વાગ્યાની આસપાસ ગરેડીયા કુવા રોડ ઉપર આવેલી તેમની દુકાને જનાર છે. જયાં તેઓ શાસ્ત્રોકત વિધિવિધાન સાથે ચોપડા પૂજન પરિવારજનો સાથે કરનાર છે. અન્ય કોઈ સત્તાવાર કાર્યક્રમો યોજાનાર નથી. ચોપડા પૂજન બાદ રાત્રીના ગાંધીનગર જવા રવાના થશે. (તસ્વીરઃ અશોક બગથરીયા)

(2:40 pm IST)
  • સોમવારથી મહારાષ્ટ્રમાં તમામ ધાર્મિક સ્થળો ખુલશે : સ્કૂલો પણ ટૂંક સમયમાં ખોલવાની મંજૂરી અપાશે : કોવિદ -19 ના નિયમોનું પાલન કરવાની સૂચના સાથે ઉદ્ધવ સરકારની ઘોષણાં access_time 5:40 pm IST

  • કોરોના વાઇરસ અને આર્થિક મંદીમાંથી દેશવાસીઓને મુક્તિ મળે તેવી શુભકામના : કોંગ્રેસ અધ્યક્ષ તથા પૂર્વ અધ્યક્ષ સોનીયા ગાંધી તથા રાહુલ ગાંધીએ દિવાળી પર્વ નિમિત્તે શુભેચ્છા પાઠવી access_time 8:04 pm IST

  • ટ્રમ્પનો ઈરાદો શું છે : અમેરિકાના વિદાય લઈ રહેલા પ્રમુખ ડોનાલ્ડ ટ્રમ્પ શાસનના વિદેશ મંત્રી mike pompeoએ મોટો ધડાકો કર્યો છે અને કહ્યું છે કે "તાઈવાન, એ ચીનનો ભાગ નથી." અત્યાર સુધી અમેરિકાએ ક્યારેય આવી જાહેરાત કરી નથી. ચીન હંમેશા કહેતું આવ્યું છે કે તાઇવાન અમારો જ એક હિસ્સો છે અને જે કોઇ તેનો વિરોધ કરશે તે અમારૂં દુશ્મન બની જશે. હવે જ્યારે અમેરિકામાં સત્તાપલટો થઈ રહ્યો છે ત્યારે ટ્રમ્પ શાસન દ્વારા આવો મોટો નીતિ વિષયક નિર્ણય આગામી આવી રહેલા દિવસો અંગે ખૂબ જ સૂચક માનવામાં આવે છે. બાયડન માટે સત્તા મેળવવી આસાન નહિં હોય તે સ્પષ્ટ બન્યું છે. access_time 11:38 pm IST