Gujarati News

Gujarati News

News of Sunday, 14th January 2018

સદરની પતંગ બજારમાં ખિસ્સા કાપતાં અજય અને તેની પત્નિ રતન પકડાયા

રાજકોટઃ સદર બજારમાં શનિવાર રાતે જાણે દિવસ ઉગ્યો હોય તેવો માહોલ સર્જાયો હતો. પતંગ દોરાની ખરીદી કરવા લોકો ઉમટી પડ્યા હતાં. આવી ગિરદીનો લાભ લેવા ખિસ્સાકાતરૂઓ પણ ઉતરી આવ્યા હતાં. પ્ર.નગર પોલીસે આવા એક દંપતિને ઝડપી લીધું હતું.

ગોંડલ રોડ હાઇવે ટોયેટા શો રૂમની પાછળ રહેતો ચિરાગ પ્રદિપભાઇ જેસ્વાલ (ઉ.૨૮) સદર બજાર નાલા પાસે જે. કે. સિઝન સ્ટરો સામે પતંગ-દોરા લેવા ઉભો હોઇ તેની નજર ચુકવી એક યુવક-યુવતિએ રૂ.. ૭ હજારનો રેડમી નોટ મોબાઇલ ફોન ચોરી લીધો હતો. તેમજ અન્ય એક યુવક પરેશભાઇનો પણ રેડમી નોટ-૩ રૂ.. ૬૦૦૦નો ફોન સેરવી લીધો હતો.

ફરજ પર રહેલા પ્ર.નગર પોલીસ મથકના પી.આઇ. બી. એમ. કાતરીયા, પી.એસ.આઇ. એસ. બી. પારદીયા, એચ. એમ. રાણા સહિતની ટીમે આ બંનેને સકંજામાં લીધા હતાં. પુછતાછમાં બંનેએ પોતાના નામ અજય થોલાભાઇ કાનજીયા (ઉ.૨૧) અને રતનબેન અજય કાનજીયા (ઉ.૨૦) (રહે. બંને કુવાડવા રોડ નવાગામ મામાવાડી પાસે) જણાવ્યા હતાં. બંને સામે આઇપીસી ૩૭૯, ૧૧૪ મુજબ ચોરીનો ગુનો નોંધી આકરી પુછતાછ કરવામાં આવી હતી.

(10:31 am IST)
  • ફિલ્મ 'પદ્માવત'ની સત્તાવાર રીલીઝ ડેટ વાયકોમ-18એ જાહેર કરી દીધી છે. ફિલ્મ 25 જાન્યુઆરીના રોજ થિયેટર્સમાં જોવા મળશે. સંજય લીલા ભણસાલીની ફિલ્મ પદ્માવત તમિલ, તેલુગુ અને હિન્દીમાં એમ ત્રણ ભાષાઓમાં રજુ કરાશે. નિર્માતાઓએ નવા શીર્ષક સાથે પદ્માવતનું પોસ્ટર પણ રજુ કર્યું છે. સેન્સરએ પાંચ ફેરફારો સાથે ફિલ્મને "U/A" સર્ટીફીકેટ આપ્યું છે. આ સર્ટીફીકેટ સાથેની ફિલ્મોને એકલા નાના બાળકોને જોવાની મંજૂરી નથી હોતી. access_time 8:08 pm IST

  • ભરશિયાળે ભરૂચમાં કમોસમી માવઠું : મોડી રાત્રે શહેરના અનેક વિસ્તારોમાં પડ્યા વરસાદી છાટા : વાતાવરણમાં પ્રસરી ઠંડક access_time 11:48 am IST

  • પૂર્વ કેન્દ્રીય મંત્રી અને વરિષ્ઠ કોંગ્રેસી નેતા મનીષ તિવારીના માતા ડો,અમૃત તિવારીનું ટૂંકી બીમારી બાદ નિધન થયું છે. તેઓ 80 વર્ષના હતા. આવતીકાલે સોમવારે તેણીનો અંતિમ સંસ્કાર કરાશે. access_time 12:00 am IST