Gujarati News

Gujarati News

News of Tuesday, 13th February 2018

ગાંધીગ્રામ-કોઠારિયા વિસ્તારમાં નવી પ્રા.શાળાઃ શિક્ષણ સમિતિનું ૧.ર૬ અબજનું બજેટ

શિક્ષકોને પ્રોત્સાહિત કરવા ગુરૂવંદના એવોર્ડઃ શૈક્ષણીક ઇતર પ્રવૃતિ, તેજસ્વી બાળકો સન્માન તથા શૈક્ષણીક સેમીનાર સહિતના વિવિધ કાર્યક્રમોનુ આયોજન થશેઃ બજેટ મંજુર કરતાં શિક્ષણ સમીતી ચેરમેન નરેન્દ્રસિંહ ઠાકુર

રાજકોટ તા.૧૩: નગર પ્રાથમિક શિક્ષણ સમિતિ દ્વારા શાળઆ બોર્ડની મીટીંગમાં સને ૨૦૧૮-૧૯નુ અંદાજપત્ર રૂ.૧,૨૬,૭૪,૧૧,૦૦/- સર્વાનુમતે મંજુર કરવામાં આવ્યુ હતુ. આજની મીટીંગમાં ગત સભાની કાર્યવાહી વંચાણે લઇ તેને બહાલ કરવામાં આવી હતી. પ્રારંભે શિક્ષણ સમિતિના ચેરમેન નરેન્દ્રસિંહ ઠાકુરે અંદાજપત્રની વિવિધ માહિતીઓ, નવી શાળાઓ, શાળા વિકાસ પ્રવૃતિ, સ્માર્ટ કલાસ સંદર્ભે સભ્યોને માહિતગાર કર્યા હતા.

શિક્ષણ સમિતિના બજેટમાં સરકારનો ફાળો,કોર્પોરેશનનો ફાળો સહિત કુલ રૂ.૧૨,૬૭૪,૧૧ લાખ રૂ. સાથે સરકારશ્રીની આવક રૂ.૯૮,૭૯,૫૭,૦૦૦ તથા કોર્પોરેશનના ફાળાની આવક રૂ.૨૭,૯૪ કરોડ અંદાજવામાં આવેલ છે. વોર્ડ નં.૧૮ માં શિવધારા સોસાયટીની આસપાસ શાળા નં.૯૯ માટે તથા વોર્ડ નં.૧માં સ્ટર્લીગ હોસ્પીટલની પાછળ નવી શાળા બનાવવામાં આવશે. દરેક શાળામાં સ્માર્ટ કલાસ શિક્ષકોને પ્રોત્સાહિત કરવા ગુરૂવંદના એવોર્ડ ધો.૧-૮ ના બાળકો માટે કોમ્પ્યુ. શિક્ષણ તથા શાળા વિકાસની વિવિધ પ્રવૃતિઓ માટે  અંદાજપત્રમાં જોગવાઇ રાખેલ છે. તેમ શિક્ષણ સમિતિના ચેરમેન નરેન્દ્રસિંહ ઠાકુર અને વા.ચેરમેન અલ્કાબેન કામદારે જણાવેલ છે.

સને ૨૦૧૮-૧૯ ના અંદાજપત્રમાં રાષ્ટ્રીય પર્વ ઉજવણી, શૈક્ષણિક ઇતર પ્રવૃતિ તેજસ્વી બાળકો સન્માન, શૈક્ષણિક સેમીનાર સાથે સંગીત તાલીમ કાર્યક્રમ વિવિધ પ્રવૃતિ, વાલી સમેલન જેવા વિવિધ કાર્યક્રમો માટે જોગવાઇ રાખવામાં આવેલ છે. શિક્ષણ સમિતિ દ્વારા દર વર્ષે મનોરંજન સાંસ્કૃતિક વાર્ષિક ઉત્સવ પણ ઉજવવામાં આવશે. સમગ્ર બજેટ તૈયાર કરવાની કામગીરીમાં એકાઉન્ટ શાખાના અમીતભાઇ શુકલે કામગીરી કરી હતી.

આ તકે વા.ચેરમેન અલ્કાબેન કામદાર, જગદીશભાઇ ભોજાણી, સંજયભાઇ હિરાણી, ડો.રાજેશ ત્રિવેદી, કિશોરભાઇ રાઠોડ, મુકેશભાઇ મહેતા, કિરણબેન માકડિયા, ધીરજભાઇ મુંગરા, મુકેશભાઇ ચાવડા, રહીમભાઇ સોરા, ડો.ગૌરવીબેન ધૃવ, ભારતીબેન રાવલ તેમજ ઇન્ચાર્જ શાસનાધિકારી સપનાબેન પરમાર હાજર રહ્યા હતા.

(3:54 pm IST)
  • ઓલ ઈન્ડિયા મુસ્લિમ પર્સનલ લો બોર્ડની જાહેરાત : અનંતકાળ સુધી બાબરી મસ્જીદ મસ્જીદ તરીકે જ રહેશે અને મસ્જીદ છે : ઈસ્લામમાં શ્રદ્ધા માટે બાબરી મસ્જીદ અનિવાર્ય જરૂરીયાત છે : મુસ્લિમો કયારેય મસ્જિદને છોડશે નહિં કે મસ્જિદના બદલામાં જમીન લેશે નહિ કે મસ્જીદની જગ્યા ભેટમાં આપશે નહિં access_time 12:36 pm IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST

  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST