News of Saturday, 13th January 2018

રાજકોટ : મા ઉમા ખોડલ મંદિરે દર્શન કરતા હાર્દિક પટેલ

રાજકોટ : પાસ સુપ્રિમો હાર્દિક પટેલે ગઈકાલે ૧૫૦ ફૂટ રીંગ રોડ પર આસ્થા રેસીડેન્સી પાછળ આવેલ મા ઉમા ખોડલ મંદિરની મુલાકાત લઈ દર્શન કર્યા હતા. હાર્દિકે સાંજે ૫:૩૦ કલાકે મંદિર આવ્યા હતા અને ૧૦ - ૧૫ મિનિટ અહીં દર્શન - પૂજા કર્યા હતા. આ મંદિર બનાવવા પાછળ ત્રણ સોસાયટીના રસ્તાનો વિવાદ હતો. જેથી વિવાદને લીધે પૂર્વ કોર્પોરેટર જે. ડી. ડાંગર દ્વારા ૪ વર્ષ પહેલા સપ્તાહનું આયોજન કરવામાં આવેલ. આસપાસની કે. કે. રેસીડેન્સી ગોવિંદ રત્ન તથા જાનકી પાર્કના લોકોએ ઉમંગભેર ભાગ લીધો હતો અને સપ્તાહ દરમિયાન જ એક મંદિર બનાવવાની વ્યાસપીઠ ઉપરથી ઘોષણા કરવામાં આવેલ. મંદિરમાં ભગવાન શંકર તથા મા ઉમા ખોડલ બિરાજમાન છે. વર્ષ દરમિયાન ઘણા કાર્યક્રમો થાય છે. ઉપરાંત ત્રણેય સોસાયટીનો જમણવાર પણ યોજાય છે.

(1:06 pm IST)
  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST

  • બનાસકાંઠાઃ ૫૪ લાખનો દારૂ ઝડપાવાના મામલે પી.આઇ.ની બદલીઃ જીલ્લા પોલીસ અધિકારી દ્વારા કરાઇ કાર્યવાહી access_time 2:44 pm IST