Gujarati News

Gujarati News

News of Saturday, 13th January 2018

છોકરીને ભગાડી જવાના મુદ્દે પિન્ટૂને રઘાભાઇએ ઘુસ્તા-પાટા મારી છરી ઝીંકી

અગાઉ કેસ થયો હોઇ સમાધાન માટે મોરબીથી વાત કરવા રાજકોટ આવ્યો ને ડખ્ખો થયો

રાજકોટ તા. ૧૩: મોરબીના સનાળા રોડ પર વિજયનગરમાં રહેતો પિન્ટૂ પપ્પુભાઇ વિકાણી (ઉ.૨૧) સાંજે રાજકોટમાં મોરબી રોડ જકાતનાકા પાસે હતો ત્યારે ત્યાં જ રહેતાં રઘા દેવીપૂજકે ઝઘડો કરી ઢીકા-પાટુનો માર મારતાં તેમજ જમણા સાથળમાં છરી દેવાતાં સારવાર માટે દાખલ થયો હતો.

બી-ડિવીઝનના પી.એસ.આઇ. એમ. એમ. ઝાલાએ પિન્ટૂની ફરિયાદ પરથી રઘા સામે ગુનો નોંધ્યો છે. તપાસમાં ખુલ્યા મુજબ અગાઉ પિન્ટૂ રઘાભાઇની દિકરીને ભગાડી ગયો હતો અને તે બાબતે કેસ પણ થયો હતો. તેના સમાધાન માટે વાત કરવા ગત સાંજે પિન્ટૂ રાજકોટ રઘાભાઇ પાસે આવતાં માથાકુટ થઇ હતી અને હુમલો કરાયો હતો.

(1:03 pm IST)
  • ભારતીય ક્રિકેટ ટીમના પૂર્વ કેપ્ટન મોહમ્મદ અઝહરૂદ્દીનએ હૈદરાબાદ ક્રિકેટ એસોસિએશન (HCA) સામે મોટા આક્ષેપો કર્યા છે. અહેવાલો અનુસાર, અઝહરૂદ્દીને આક્ષેપ કર્યો છે કે હૈદરાબાદ ક્રિકેટ એસોસિએશનના કેટલાક સભ્યો તેમને HCA પ્રમુખની ચુંટણીમાં ભાગ લેવાથી રોકવા માંગે છે. access_time 1:19 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • ઉમા ભારતી નારાજ છે દિલ્હી છોડીને ભોપાલમાં : કેન્દ્રીય મંત્રી ઉમા ભારતી દિલ્હી છોડીને ભોપાલમાં છે : મોદી કેબીનેટમાં પોતાની સ્થિતિને લઈને પરેશાન છે ઉમા ભારતી access_time 12:54 pm IST