Gujarati News

Gujarati News

News of Saturday, 13th January 2018

વિજળીક હડતાલ

રાજકોટમાં સીટી બસ ડ્રાઇવરોએ ૧II કલાક સુધી બ્રેક લગાવીઃ મુસાફરો હેરાન

સીટી બસનાં કોન્ટ્રાકટર એજન્સીએ શિક્ષાત્મક પગલા રૂપે ડ્રાઇવરોનો પગાર કાપી લેતા કચવાટઃ મ્યુ.કોર્પોરેશને એજન્સીને નોટીસઃ ૭૬ હજારનો દંડ

રાજકોટ તા.૧૩: આજે સવારે રૈયા ડેપોનાં ૪૦ થી ૪૫ સીટી બસનાં ડ્રાઇવરોે વિજળીક હડતાલ પર ઉતરી જતા હજારો મુસાફરોમાં દેકારો બોલી ગયો હતો. તંત્ર વાહકોની દરમિયાનગીરીથી બસ  શરૂ કરાઇ હતી. કોર્પોરેશન દ્વારા એજન્સીને નોટીસ આપી ૭૬ હજારની પેનલ્ટી ફટકારવામાં આવી છે.

આ અંગેની પ્રાપ્ત માહિતી મુજબ સીટી બસનાં કોન્ટ્રાકટર એજન્સી  દ્વારા ડ્રાઇવરનાં પગાર કાપી લેવા સહિતનાં  વિવિધ પ્રશ્ને રૈયા ચોકડી ડેપોનાં ડ્રાઇવરોએ સવારે ૬:૧૫ કલાકે બસ ન ઉપાડી વિજળીક હડતાલ  ઉપર ઉતરી ગયા હતા.

આ ઘટનાની જાણ કોર્પોરેશનનાં અધિકારીઓને જાણ થતાં તેઓ સ્થળ પર દોડી આવ્યા હતા. ડ્રાઇવરો સાથે વાતચીત કરી હતી. બાદમાં સવારે ૭:૩૦ વાગ્યે  સીટી બસ સેવા શરૂ કરવામાં  આવી હતી. જો કે કોઇપણ પ્રકારની નોટીસ વિના હડતાલ પાડવા બદલ એજન્સીને નોટીસ આપી છે અને ૭૬ હજારની પેનલ્ટી ફટકારવામાં આવી હોવાનું આર.એમ.ટી.એસનાં આસી.મેનેજર મનીષ વોરાએ જણાવ્યુ હતુ.(૨૧.૨૪)

(4:14 pm IST)
  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • ઉમા ભારતી નારાજ છે દિલ્હી છોડીને ભોપાલમાં : કેન્દ્રીય મંત્રી ઉમા ભારતી દિલ્હી છોડીને ભોપાલમાં છે : મોદી કેબીનેટમાં પોતાની સ્થિતિને લઈને પરેશાન છે ઉમા ભારતી access_time 12:54 pm IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST