Gujarati News

રાજકોટ તા. ૧૨: થાનગઢમાં તરણેતર રોડ પર વાસુકી મંદિર પાસે રહેતાં હરેશભાઇ મુળજીભાઇ સાગઠીયા (ઉ.વ.૪૨) નામના યુવાનને ગઇકાલે સવારે ઝાડા-ઉલ્ટી થઇ જતાં થાન પ્રાઇવેટ ડો. મિતુલભાઇને ત્યાં સારવાર અપાવી રાજકોટ સિવિલ હોસ્પિટલમાં ખસેડાયા હતાં. પરંતુ અહિ ગત મોડી રાતે દમ તોડી દેતાં પરિવારમાં શોક છવાઇ ગયો હતો.

હોસ્પિટલ ચોકીના કલ્પેશભાઇ સરવૈયાએ જરૃરી કાર્યવાહી કરી થાન પોલીસને જાણ કરી હતી. મૃત્યુ પામનાર હરેશભાઇ  બે ભાઇ અને બે બહેનમાં મોટા હતાં અને સિરામીકમાં નોકરી કરતાં હતાં. સંતાનમાં બે પુત્ર છે. પરિવારજનોએ આક્ષેપ કર્યો હતો કે સિવિલ હોસ્પિટલમાં હરેશભાઇને લાવ્યા બાદ વોર્ડમાં તબિબ સહિતના સ્ટાફે સારવારમાં યોગ્ય ધ્યાન આપ્યું નહોતું.