News of Friday, 9th February 2018

બાંધકામ સમિતિની એક જ મીટીંગમાં એક સરખા બે ઠરાવ બબ્બે વખત ઠપકાર્યા !

રાજકોટ જિલ્લા પંચાયતમાં અધિકારીઓ-પદાધિકારીઓનું લોલંલોલ ?: ઠરાવ નં.૧૭૮ અને ૧૯૦ અક્ષરશઃ સરખા, ઠરાવ નં.૧૮૭ અને ૧૮૯માં એક જ વાત

રાજકોટ તા.૯ : જિલ્લા પંચાયતની બાંધકામ સમિતિની ગઇ તા.૧૬મીએ મળેલ બેઠકમાં છબરડા થયાનું બહાર આવેલ છે. કાર્યવાહીની નોંધ જોતા એક જ મીટીંગમાં એક સરખા બે ઠરાવ બે વખત કરી નાખ્યાનુ જાણવા મળે છે. પદાધિકારીઓએ અને અધિકારીઓએ સમિતિની બેઠકની કાર્યવાહીની નોંધ વાંચ્યા વગર જ બહાર પાડી દીધી હોય તેવુ લાગે છે. અમુક ઠરાવમાં તારીખની જગ્યા ખાલી રાખવામાં આવી છે.

જાણવા મળ્યા મુજબ ઠરાવ નં.૧૭૮માં જિલ્લા પંચાયત કચેરીના નવીનીકરણ વખતના ખર્ચનો મુદો છે. ૪ ફકરામાં તેની માહિતી અપાયેલ છે. ફરી ૧૯૦ નંબરના ઠરાવમાં તે જ વિગત અક્ષરશઃ દર્શાવવામાં આવી છે. બંનેમાં સક્ષમ સમિતિ પાસેથી સુધારેલી વહીવટી મંજુરી લેવાનુ જણાવાયુ છે. ઠરાવ નં.૧૮૭માં માર્ગ-મકાન પંચાયત પેટા વિભાગની ગાડી જીજે-૩જી-૧૬૯૧ (કઇ ગાડી ?) બ્રેક ડિસ્ક પેડ સેટ સ્પેર પાર્ટસ બદલવાનો ખર્ચ મંજુર કરાયો છે. એ જ પાના પર ઠરાવ નં.૧૮૯માં એ જ ગાડી નંબર સાથે આ જ મુદો ફરી દર્શાવાયો છે. જેમાં ૧૮૭ નંબરના ઠરાવ કરતા થોડી વધુ માહિતી અપાયેલ છે. એક સરખા એકથી વધુ ઠરાવ ખરેખર છબરડો છે કે કોઇ હેતુ છે ? તેવો સવાલ ઉઠી રહ્યો છે.

સમિતિની બેઠકમાં અધ્યક્ષ વાલીબેન કાળુભાઇ તલવાડિયા તથા સભ્યો વિનુભાઇ ધડુક, સોનલબેન પરમાર, મગનભાઇ મેટાળિયા, નાથાભાઇ મકવાણા તથા અધિકારીઓ હાજર રહ્યા હતા.(૩-૧૭)

(4:53 pm IST)
  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • મૈક્સિકોમાં ભૂકંપનો આંચકો : પશ્ચિમી પ્રશાંત કાંઠે 5,8ની તીવ્રતાનો ભૂકંપ : જલિસકો અને કોલીમાં રાજ્યની સીમા નજીક કિનારાથી 30 કી, મી, દૂર કેન્દ્રબિંદુ : નુકશાનના કોઈ અહેવાલ નથી access_time 9:22 am IST

  • ભારત - દક્ષિણ આફ્રિકા મહિલા થર્ડ વનડે : ડુ પ્રીઝે દક્ષિણ આફ્રિકાને જીત અપાવી : છતાં ટીમ ઈન્ડિયાએ શ્રેણી 2-1થી જીતી લીધી : સ્મૃતિ માંન્ધાનાને પ્લેયર ઓફ ધ સિરીઝ એવોર્ડ એનાયત કરવામાં આવ્યો access_time 12:56 am IST