News of Friday, 9th February 2018

રસ્તામાંથી વાહનો સાઇડમાં લેવાનું કહેતાં રિક્ષાચાલક હનીફભાઇ પર હુમલો

નાણાવટી ચોક આવાસ કવાર્ટરમાં ધબધબાટી

રાજકોટ તા. ૯: ગાંધીગ્રામ નાણાવટી ચોક આવાસ યોજના કવાર્ટરમાં રહેતાં મુસ્લિમ યુવાને રસ્તામાં વાહનો રાખીને બેઠેલા શખ્સોને વાહન દૂર લેવાનું કહેતાં તેના પર ધોકાથી હુમલો થયો હતો.

કવાર્ટર નં. બી-૯/૨૭૭માં રહેતો રિક્ષાચાલક હનીફભાઇ યુસુફભાઇ જૂણેજા (ઉ.૪૦) સાંજે સાડા છએક વાગ્યે પુત્રને પોતાની રિક્ષામાં ટ્યુશનમાં મુકવા ગયો હતો. ત્યાંથી પરત ઘરે આવ્યો ત્યારે મહેન્દ્ર દરબાર, ગણીયો સહિતના શખ્સો રસ્તામાં પોતાના ટુવ્હીલર રાખીને બેઠા હોઇ રિક્ષા નીકળી શકે તેમ ન હોવાથી આ લોકોને વાહનો થોડા સાઇડમાંરાખવાનું કહેતાં બધાએ ગાળાગાળી અને ઝઘડો કર્યો હતો અને જતાં રહ્યા હતાં. થોડીવાર બાદ ધોકા-પાઇપ સાથે ધસી આવી હુમલો કરતાં હનીફભાઇને ઇજા થતાં સિવિલ હોસ્પિટલમાં ખસેડાયા હતાં. બનાવ અંગે હોસ્પિટલ ચોકીના જગુભા ઝાલા અને ધીરેનભાઇ ગઢવીએ યુનિવર્સિટી પોલીસને જાણ કરી હતી. (૧૪.૫)

(12:47 pm IST)
  • પંચમહાલના કાલોલમાં કેમીકલ છોડાતા પ્રદૂષણઃ વેજલપુરમાં બેરલમાંથી કેમીકલ ઢોળાતા લોકોની આંખોમાં બળતરા થવા લાગી હોવાની ફરીયાદ access_time 5:48 pm IST

  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST