Gujarati News

Gujarati News

News of Friday, 9th March 2018

યાર્ડમાં વેબ્રીજ વજનથી ઘઉંનું વેચાણ કરાયું

મજુરીના ૧.૬૦ રૂ.ના દર વધારીને ર.રપ કરી દેવાયા છતા મજુરોએ કામ ન કરતા યાર્ડના પદાધિકારીઓનો નિર્ણયઃ અગાઉ મજુરીના દરના પ્રશ્ને ઘઉંની હરરાજી ૧ર દિ' બંધ રહી હતી

રાજકોટ, તા., ૮: સૌરાષ્ટ્રના સૌથી મોટા ગણાતા રાજકોટ યાર્ડમાં ઘઉંની હરરાજીમાં મજુરી પ્રશ્ને પ્રશ્નોએ ફરી ધોકો પછાડતા યાર્ડના સંચાલકોએ વેબ્રીજ વજનથી ઘઉંનું વેચાણ શરૂ કરાવ્યું હતું.

મળતી વિગતો મુજબ રાજકોટ યાર્ડમાં ઘઉં વિભાગમાં મજુરોએ ફરી મજુરીના દર વધારવાની માંગણી કરતા મજુર આગેવાનોની યાર્ડના પદાધિકારીઓ સાથે મીટીંગ યોજાઇ હતી. આ મીટીંગમાં ઘઉં વિભાગમાં કામ કરતા મજુરોને એક મણ મજુરીના ૧.૬૦ રૂ. અપાતા હતા. તે વધારીને ર.રપ રૂ. કરી દેવાયા હતા. છતાં મજુરોએ આ ભાવ વધારો નામંજુર કરી કામ કરવાની ના પાડતા યાર્ડના ચેરમેન ડી.કે.સખીયા તથા વાઇસ ચેરમેન હરદેવસિંહ જાડેજાએ ઘઉંની હરરાજી ખોરવાઇ નહિ તે માટે વેબ્રીજ વજનથી ઘઉંનું વેચાણ શરૂ કરાવ્યું હતું.

હવે યાર્ડમાં ઘઉંની જે આવક થાય છે તેનું વેબ્રીજ વજનથી વેચાણ કરાશે. ખેડુતો જે વાહનમાં ઘઉં લઇ આવે તે વાહન સહીત ઘઉંના જથ્થાનું વેબ્રીજમાં વજન કરાશે. આ વજનમાં જે તે વાહનનું વજન બાદ કરી બાકીના ઘઉંના જથ્થાની ગણતરી કરી વેપારીઓ ખેડુતોને પેમેન્ટ ચુકવશે. યાર્ડના પદાધિકારીઓના આ નિર્ણયથી ખેડુતોનો સમય પણ બચશે તથા ખેડુતોને પુરો વજન પણ મળશે.

(9:17 am IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • રાષ્ટ્રપતિ રામનાથ કોવિંદ મોરિશ્યસ -માદાગાસ્કરની 11થી 15 માર્ચ દરમિયાન મુલાકાત લેશે access_time 12:04 am IST