Gujarati News

Gujarati News

News of Thursday, 8th March 2018

શુભપ્રસંગો માટે એસ.ટી. બસ વ્યાજબી ભાડે આપો, જીવલેણ અકસ્માતોને બ્રેક લાગશે

રંધોળાની અકસ્માતની ઘટના દુઃખદ : સંજય ખૂંટ- નાનજીભાઇ

રાજકોટ, તા. ૮ લોકોને પ્રસંગોમાં સરકારની એસ.ટી. બસ સરળતાથી અને વ્યાજબી ભાડાથી ઉપલબ્ધ  ન હોવાથી શુભ પ્રસંગોમાં મોટા જોખમી ખાનગી વાહનોમાં મુસાફરી કરે છે. આવા વાહનોમાં  જીવલેણ અકસ્માતો નિવારવા માટે સરકારે જ વ્યાજબી ભાડે એસ. ટી. બસો પુરી પાડવી જોઇએ તેવી લાગણી રાજકોટ તાલુકા કોંગ્રેસ પ્રમુખ સંજય ખૂંટે કરી છે. જિલ્લા પંચાયતના કોંગી સભ્ય નાનજીભાઇ ડોડીયાએ તેમાં સૂર પુરાવ્યો છે.

બન્નેએ રંઘોળા ગામની ગંભીર અકસ્માતની ઘટના યાદ કરી મૃતકોને શ્રધ્ધાંજલી અર્પી જણાવ્યું છે કે સરકારે ગરીબ મધ્યમ વર્ગને લગ્ન જેવા પ્રસંગોએ એસ. ટી. ની બસ વ્યાજબી ભાવથી ભાડે આપવી જોઇએ તો રંઘોળા જેવા બનાવ અટકાવી શકાય. સરકારે પ્રચાર માટેના કાર્યક્રમોમાં એસ. ટી. બસો વાપરવાના બદલે આવા કામમાં આપવી જોઇએ.

(4:41 pm IST)
  • સૌરાષ્ટ્ર યુનિવર્સીટીમાં અનામત મુદ્દે પરિપત્રની હોળી કરાઈ :જૂની પધ્ધતિ મુજબ જ અમલીકરણ ચાલુ રાખવા માંગણી :કેમ્પસ ઉપર ગ્રાન્ટ કમિશનના પરિપત્રની હોળી access_time 12:06 am IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • માળીયા મિંયાણામા પાણીની ભારે તંગી : એક બેડા માટે ૩ કિ.મી. દૂર રઝળપાટ : મહિલાઓ અને પુરૂષોએ સાથે પીવાના પાણી ભરવા જવુ પડે છે : ઉનાળાના પ્રારંભે જ વિકટ પરિસ્થિતિ access_time 5:54 pm IST