Gujarati News

Gujarati News

News of Thursday, 8th March 2018

બદલી થયેલ કામદારે હાજર થવું જોઇએ ટ્રાન્સફર કરવાનો માલીકને અધિકાર છે

ટ્રાન્સપોર્ટ કંપનીની તરફેણમાં હાઇકોર્ટનો ચુકાદો

રાજકોટ તા. ૮: ટ્રાન્સફર થયેલ જગ્યા પર કામદારે ફરજ પર હાજર થવું જોઇએ. ટ્રાન્સફર કરવાનો માલીકને અધીકાર છે. તેમ ઠરાવીને ટ્રાન્સપોર્ટ કંપનીની તરફેણમાં હાઇકોર્ટે ચુકાદો આપેલ હતો.

આ કેસની હકિકત એવી છે કે, અત્રે વિ. ટ્રાન્સપોર્ટ કંપની રાજકોટમાં કામ કરતા કામદાર સંજય હસમુખલાલ ભટ્ટ, છેલ્લા નવાગામ, રાજકોટમાં આવેલ વિ. ટ્રાન્સપોર્ટ કંપનીની બ્રાન્ચમાં બ્રાન્ચ ઇન્ચાર્જ તરીકે રૂ. ૪૪૬૯/-ના પગારથી નોકરી કરતા હતા. કંપનીના મેનેજમેન્ટે તા. ૧ર-ર-૦૮ના રોજ મજકુર કામદારને રાજકોટથી ગાંધીધામ, નિમણુંક હુકમની શરતોને આધીન બદલી કરતાં મજકુર કામદાર ગલાંધીધામ ખાતે ફરજ પર હાજર થયેલ નહીં અને કંપનીએ તેઓને રાજકોટ ખાતેથી ગેરકાયદેસર રીતે છુટા કરી દીધેલ છે. તેવી તકરાર ઉપસ્થિત કરી, લેબર કોર્ટ રાજકોટ સમક્ષ રેફરન્સ કરાવેલ હતો. જે રદ થતાં હાઇકોર્ટમાં પીટીશન કરી હતી.હાલના કેઇસમાં કમદારની કંપનીએ નિમણુંક હુકમની શરતો મુજબ ટ્રાન્સફર કરેલ છે અને કામદારે એપોઇન્ટમેન્ટ ઓર્ડર સ્વીકારેલ હોય આ ઓર્ડરની શરતો અંગે સંમતી આપેલ છે તેમ કહી શકાય. ઉપરોકત હકિકત હોવા છતાં અને એક પણ દિવસે નોકરી પર ટ્રાન્સફર થયા બાદ હાજર થયા ન હોવા છતાં આશ્ચર્ય જનક રીતે કામદાર નોકરીમાં પરત લેવા પડેલા દિવસોનો પગાર ૧ર%નો વ્યાજ સાથેની માંગણી કરેલ છે. ગુજરાત હાઇકોર્ટે કંપની તરફથી કરવામાં આવેલ દલીલો અને લેબર કોર્ટ સમક્ષ રજુ થયેલ પુરાવો ધ્યાનમાં લઇ કામદારની રીટ પીટીશન રદ કરેલ છે.

(4:21 pm IST)
  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST

  • માળીયા મિંયાણામા પાણીની ભારે તંગી : એક બેડા માટે ૩ કિ.મી. દૂર રઝળપાટ : મહિલાઓ અને પુરૂષોએ સાથે પીવાના પાણી ભરવા જવુ પડે છે : ઉનાળાના પ્રારંભે જ વિકટ પરિસ્થિતિ access_time 5:54 pm IST

  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST