Gujarati News

Gujarati News

News of Thursday, 8th March 2018

ભાઇ, મારા બે'ય દિકરાને પરિક્ષા છે,ગીત ધીમા વગાડો ને...પડોશીને સમજાવવા જતાં મહિલા પર ધોકાવાળી

કોઠારીયા સોલવન્ટમાં બનાવઃ અમૃતાબેન સગરને પડોશી કાના અને આશિષ બારોટે માર માર્યો

રાજકોટ તા. ૮: ધોરણ-૧૦ની પરિક્ષા આવી રહી છે ત્યારે છાત્રો છેલ્લી ઘડીની તૈયારીમાં વ્યસ્ત છે. આવા સમયે કોઠારીયા સોલવન્ટ આર.એમ.સી. કવાર્ટરમાં રહેતાં સગર પરિવારના બે ભાઇઓ કે જેમાં એકને ધોરણ-૧૦ની અને બીજાને રેલ્વેની પરિક્ષા આપવાની છે તે સાંજે પરિક્ષાનું વાંચન કરતાં હોઇ પડોશી બારોટ ભાઇઓ મોટા અવાજે ગીતો વગાડતાં હોઇ તેને અવાજ ધીમો રાખવાનું સગર ભાઇઓના માતા સમજાવવા જતાં તેણી પર આ બંનેએ ધોકાથી હુમલો કરી માર માર્યો હતો.

 

કોઠારીયા સોલવન્ટ કવાર્ટરમાં રહેતાં અમૃતાબેન અરજણભાઇ સારેલા (ઉ.૪૦) નામના સગર મહિલા રાત્રે સિવિલ હોસ્પિટલમાં દાખલ થયા હતાં. તેણે પોતાને પડોશી કાનો બારોટ અને તેના પિત્રાઇ ભાઇ આશિષ બારોટે ધોકાથી માર માર્યાનું જણાવતાં હોસ્પિટલ ચોકીના જગુભા ઝાલા અને ધીરેનભાઇ ગઢવીએ આજીડેમ પોલીસને જાણ કરી હતી.

અમૃતાબેનને બે પુત્રો છે. જેમાં કિશન રેલ્વેની પરિક્ષાની તૈયારી કરે છે અને ભાવિકને એસ.એસ.સી.ની પરિક્ષા આપવાની છે. કિશનના કહેવા મુજબ બંને ભાઇઓ સાંજે વાંચન કરતાં હોઇ બારોટ ભાઇઓને ધીમા અવાજે ગીતો વગાડવાનું માતા સમજાવવા જતાં તેમના પર હુમલો થયો હતો. (૧૪.૫)

(10:35 am IST)
  • INX મીડિયા કૌભાંડ કેસમાં કાર્તિ ચિદમ્બરમને વધુ ત્રણ દિવસની સીબીઆઈ રિમાન્ડ ઉપર સોંપવા અદાલતનો આદેશ access_time 12:03 am IST

  • દ્વારકા-નાગેશ્વર મંદિર વિસ્તારમાં આવેલ સરકારી જગ્યા પ્લોટ પાડીને વેચી દેવાઈ : પૂજારી સહિત ૧૬ સામે મીઠાપુર પોલીસ સ્ટેશનમાં ફરીયાદ access_time 5:54 pm IST

  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST