News of Thursday, 8th March 2018

થાઇરોઇડની બિમારીથી કંટાળી સાલ પીપળીયાના વણકર મહિલા સળગ્યાઃ પતિ પણ દાઝી ગયા

મંજુલાબેન પરમાર (ઉ.૩૮) અને પતિ માવજીભાઇ પરમાર (ઉ.૪૨)ને રાજકોટ ખસેડાયા

રાજકોટ તા.૮: પડધરીના સાલપીપળીયા ગામે રહેતાં વણકર મહિલાએ સવારે પાંચેક વાગ્યે અગ્નિસ્નાન કરી લેતાં ઠારવાર જતાં પતિ પણ દાઝતાં બંનેને સારવાર માટે રાજકોટ સિવિલ હોસ્પિટલમાં ખસેડાયા છે.

મંજુલાબેન માવજીભાઇ પરમાર (ઉ.૩૮) નામના વણકર મહિલાએ સવારે પાંચેક વાગ્યે અગ્નિસ્નાન કરી લેતાં પતિ માવજીભાઇ વાઘજીભાઇ પરમાર (ઉ.૪૨) ઠારવા જતાં તે પણ દાઝી જતાં બંનેને પુત્ર કમલેશે સારવાર માટે રાજકોટ ખસેડ્યા છે. હોસ્પિટલ ચોકીના જગુભા ઝાલા અને ધીરેનભાઇ ગઢવીએ જરૂરી કાર્યવાહી કરી પડધરી પોલીસને કાગળો મોકલ્યા છે.

માવજીભાઇ, તેના પત્નિ અને પુત્ર કમલેશ કારખાનામાં કામ કરી ગુજરાન ચલાવે છે. મંજુલાબેને હોસ્પિટલના બિછાનેથી જણાવ્યું હતું કે પોતાને ઘણા સમયથી થાઇરોઇડની બિમારી છે જેની દવા-સારવાર ચાલુ હોવા છતાં ફરક પડતો ન હોઇ કામ પણ કરી શકતા ન હોઇ કંટાળી જઇ આ પગલુ ભર્યુ હતું. પડધરી પોલીસે વધુ તપાસ હાથ ધરી છે. (૧૪.૬)

(10:34 am IST)
  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • સુરેન્દ્રનગરના રળોલ ગામે સેન્ટ્રીંગનું કામ કરતા 7 મજૂરોને વીજશોક :એકનું મોત access_time 12:09 am IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST