Gujarati News

Gujarati News

News of Friday, 9th February 2018

પ્રજાની ઇચ્છાઓ પરિપૂર્ણ કરતુ લોકભોગ્ય બજેટ આપ્યુ છેઃ પુષ્કર પટેલ

ભૂતપૂર્વ પદાધિકારીઓએ નાંખેલા વિકાસના પાયા ઉપર હવે ઇન્ફ્રાસ્ટ્રકચરની ઇમારતનું નિર્માણ કરવાનો પ્રયાસઃ પત્રકાર પરિષદમાં સ્ટેન્ડીંગ ચેરમેનનું ઉદ્બોધન

રાજકોટ તા. ૯ : મ્યુનિ. કોર્પોરેશનના વર્ષ ૨૦૧૭-૧૮ના ૧૭.૬૯ અબજનાં બજેટને મંજુર કર્યા બાદ પ્રાસંગિક ઉદ્બોધનમાં જણાવ્યું હતું કે,

રાજકોટ મહાનગરપાલિકાના શાસક પક્ષે શહેરની અને મહાનગરપાલિકાની વર્તમાન સ્થિતિને નજર સમક્ષ રાખી, વાસ્તવિક બજેટ આપવાનો પ્રયાસ કર્યો છે. શહેરીજનોની અપેક્ષાઓ અને આકાંક્ષાઓ પરિપૂર્ણ કરવા સ્ટેન્ડિંગ કમિટીએ ગહન વિચાર વિમર્શ કરી, જરૂરી અને લોકભોગ્ય નિર્ણયો કર્યા છે. આગામી વર્ષ માટેની વિકાસની રૂપરેખા રજુ કરતા આ બજેટને સૌ કોઈ આવકારશે એવી મને આશા છે.

દેશના તેઓએ જણાવ્યું હતું કે, વડાપ્રધાન નરેન્દ્રભાઈ મોદીના નેતૃત્વ હેઠળ કંડારવામાં આવેલ વિકાસની કેડી પર રાજકોટ શહેરને કદમ માંડવા માટે ગુજરાત રાજયના માન. મુખ્ય મંત્રી વિજયભાઈ રૂપાણી તરફથી હંમેશા માર્ગદર્શન મળેલ છે. વધુમાં, કેન્દ્ર સરકાર અને રાજય સરકાર તરફથી રાજકોટ મહાનગરપાલિકાને કાયમી સહયોગ મળી રહ્યો છે, જેને લીધે રાજકોટ શહેર વિકાસની નવી ક્ષ્રિતિજ સર કરી રહ્યું છે. જે બદલ રાજકોટ મહાનગરપાલિકા કેન્દ્ર સરકાર અને રાજય સરકારની આભારી છે.

આજે જયારે રાજકોટ સ્માર્ટ સિટી બનવા આગળ ધપી રહ્યું છે ત્યારે આપણે આપણા શહેરના દીર્ઘદ્રષ્ટા મહાનુભાવોને પણ ન ભૂલીએ. ભૂતપૂર્વ મેયર સ્વ. અરવિંદભાઈ મણીઆરે મોડર્ન રાજકોટનો શિલાન્યાસ કર્યો હતો એ બાબત આપણે સૌ જાણીએ છીએ. ત્યારબાર ઉતરોત્ત્।ર ભાજપના શાસનકાળ દરમ્યાન તમામ ભૂતપૂર્વ મેયરશ્રીઓ, સ્ટેન્ડિંગ કમિટી ચેરમેનશ્રીઓ અને અન્ય તમામ પદાધિકારીશ્રીઓએ આ પાયા પર વિકાસની ઈમારતનું નિર્માણ કરવાની પ્રક્રિયાને ક્રમબદ્ઘ રીતે આગળ ધપાવી હતી એ દ્રષ્ટિએ તેઓ પણ આધુનિક રાજકોટના શિલ્પીઓ પૈકી એક ગણાય. તેઓની દૂરંદેશીને અનુરૂપ રાજકોટ શહેરને આધુનિક વિકાસથી સુસજ્જ કરી, શહેરીજનોના જીવન ધોરણમાં ગુણવત્તાયુકત પ્રગતિ લાવવા શાસક પક્ષ હરહંમેશ કટીબદ્ઘ છે.

આ તકે ચેરમેનશ્રીએ મેયર - ડે.મેયર, મ્યુનિ. કમિશ્નર, સ્ટેન્ડીંગ કમિટિના ચમામ સદસ્યો, તમામ કોર્પોરેટરો, પક્ષના હોદ્દેદારો, તમામ અધિકારીઓ, કર્મચારીઓ, પ્રચાર માધ્યમોને સાથે સહકાર બદલ આભારની લાગણી વ્યકત કરી હતી.(૨૧.૨૧)

(4:57 pm IST)
  • કિમ જોંગની પરમાણુ ધમકીથી અમેરીકા ચિંતીતઃ ઉત્તર કોરિયાઈ કિમ જોંગ ઉને ફરી એકવાર જણાવ્યું કે, પરમાણુ અને મિસાઈલ પરીક્ષણ કરનાર ઉત્તર કોરિયા વિશ્વ સ્તરીય સૈન્ય મહાશકિત બની ગયું છે : હવે કોઈ પણ દેશ ઉત્તર કોરિયા તરફ ખરાબ નજરથી જોશે તો તેને પરીણામ ભોગવવા માટે તૈયાર રહેવું પડશે access_time 4:12 pm IST

  • ગણત્રીની કલાકોમાં 'અમેરિકા શટડાઉન'નું સંકટ ટળ્યું : યુ.એસ. સેનેટએ સરકારી શટડાઉનનો અંત લાવવા માટે શુક્રવારે મોડી રાત્રે મતદાન કર્યું હતું : હવે ૨૩ માર્ચ સુધી સરકારી યોજનાઓનું ફંડીંગ ચાલુ રખાશે : સેનેટમાં શટડાઉન હાલપુરતું સમાપ્ત કરવા માટેનું બીલ પાસ થયું access_time 1:16 pm IST

  • માલદીવના રાજકીય સંકટમાં બે ભારતીય પત્રકારોની ધરપકડ કરવામાં આવી છે. આ બંને પત્રકારો જાણીતી ન્યૂઝ એજન્સી AFPમાં કામ કરતા હતા. મળતા અહેવાલ મુજબ અમૃતસરના મણી શર્મા અને લંડનમાં રહેતા ભારતીય મૂળના પત્રકાર આતિશ રવજી પટેલની માલદીવના રાષ્ટ્રીય સુરક્ષા કાયદા અંતર્ગત ધરપકડ કરવામાં આવી છે. access_time 9:43 pm IST