Gujarati News

Gujarati News

News of Saturday, 6th March 2021

રેલનગરના રામભાઇ ગઢવીનું પડધરી પાસે એકટીવા સ્લીપ થઇ જતાં મોત

રાજકોટ તા. ૬: રેલનગરના વૃધ્ધનું પડધરી નજીક મોટા રામપર પાસે એકટીવા સ્લીપ થઇ જતાં ઇજા થતાં મૃત્યુ નિપજ્યું હતું.

જાણવા મળ્યા મુજબ રેલનગર અમૃત રેસિડેન્સીમાં રહેતાં રામભાઇ કાનાભાઇ ગઢવી (ઉ.વ.૬૫) ગઇકાલે સવારે અગિયારેક વાગ્યે ઘરેથી એકટીવા હંકારી પડધરી તરફ સગાને મળવા ગયા હતાં ત્યારે મોટા રામપર નજીક પેટ્રોલ પંપ સામે એકટીવા સ્લીપ થઇ જતાં ઇજાઓ થતાં સારવાર માટે ૧૦૮ મારફત રાજકોટ સિવિલ હોસ્પિટલમાં ખસેડાયા હતાં. પરંતુ અહિ દમ તોડી દીધો હતો. હોસ્પિટલ ચોકીના સ્ટાફે પ્રાથમિક કાર્યવાહી કરી પડધરી પોલીસને જાણ કરી હતી.

મૃત્યુ પામનાર રામભાઇ નિવૃત જીવન ગાળતાં હતાં. તેમને સંતાનમાં એક પુત્રી છે. બનાવ અંગે પડધરી પોલીસે વધુ તપાસ હાથ ધરી છે.

(1:22 pm IST)
  • ડાકોરનો ફાગણ મેળો રદ:ડાકોર મંદિરનો ફાગણ મેળો રદ કરવામાં આવ્યો છે. ડાકોર મંદિર ૨૭ થી ૨૯ માર્ચ સુધી બંધ રહેશે. access_time 7:52 pm IST

  • દલાઇ લામાએ ભારતીય વેકસીનનો પ્રથમ ડોઝ લીધો access_time 4:00 pm IST

  • સુરતમાં પ્રતિબંધિત સંગઠન સીમીના કેસમાં તમામ ૧૨૭ આરોપીઓ નિર્દોષ જાહેર : ૧૨૭માંથી ૫ આરોપીઓના મોત થઈ ચૂકયા છે : તમામ સામે અનલો-એકટીવીટી હેઠળ કેસ ચાલુ હતો : ૨૧ વર્ષ જૂના કેસમાં કોર્ટ દ્વારા આજે મહત્વનો ચુકાદો આપવામાં આવ્યો છે : તમામ આરોપીઓને નિર્દોષ જાહેર કરવામાં આવ્યા છે : ૨૦૦૧માં અઠવા પોલીસે કેસ નોંધ્યો હતો access_time 1:13 pm IST