Gujarati News

રાજકોટ તા. ૬ : આજે ૯૩ બેઠકનું મતદાન ઉત્તર - મધ્ય ગુજરાતમાં થઇ રહ્યું છે, દરમિયાન ચૂંટણી પંચે એક આદેશ બહાર પાડી ચાલુ મતદાને જે ઇવીએમ - વીવીપેટ - બીયુ - સીયુ સહિતના મશીનો બગડયા હશે, અને તેમાં મતદાન થયું હશે, તો તેની પણ પોસ્ટલ બેલેટ સાથે મત ગણતરી કરવી પડશે. તેમજ વિધાનસભા બેઠક દીઠ ૫-૫ વીવીપેટની ચીઠ્ઠીઓનું પણ થયેલ - પડેલ મત સાથે ચેકીંગ કરવા આદેશો કર્યા છે.

રાજકોટ શહેર-જિલ્લાની કુલ ૪ બેઠકમાં ૪૪ મશીનો બગડતા તે ચાલુ મતદાને બદલવા પડયા હતા. રાજકોટ શહેર - જિલ્લામાં ૭૨૮ સીનીયર સીટીઝન, ૧૪૪-દિવ્યાંગ તથા સર્વિસમાં હોય તેવા, પોલીંગમાં રહેલ સ્ટાફ અને પોલીસ સ્ટાફ આ બધા થઇને ૬૧૯૧નું પોસ્ટલ બેલેટથી મતદાન થયું છે, કુલ ૮ બેઠકમાં ૭૦૬૩ જેટલા પોસ્ટલ બેલેટની પહેલા ગણતરી થશે