Gujarati News

Gujarati News

News of Friday, 5th March 2021

દૂધ સાગર રોડ પર ગામેતી હોલ પાસે અજાણ્‍યા યુવાનની લાશ મળી

વાલીવારસ હોય તો થોરાળા પોલીસનો સંપર્ક કરવો

રાજકોટ તા. ૫: દૂધસાગર રોડ પર ગામેતી હોલ પાસે આશરે ૩૫ વર્ષનો યુવાન બેભાન પડયો હોઇ કોઇએ જાણ કરતાં ૧૦૮ની ટીમ પહોંચી હતી. ઇએમટી નિલેષભાઇએ તેને મૃત જાહેર કરતાં થોરાળા પોલીસ મથકના પીએસઆઇ એચ. જી. ગોહિલ અને અમરજીતસિંહે ઘટના સ્‍થળે પહોંચી કાર્યવાહી કરી મૃતદેહને પોસ્‍ટ મોર્ટમ માટે ખસેડયો હતો. મૃતકને પોપટી જેવો શર્ટ અને બ્‍લુ જીન્‍સ પહેરેલા છે. તસ્‍વીરમાં દેખાતા મૃતકના કોઇ સગા સંબંધી પરિચિત હોય તો થોરાળા પોલીસનો ફોન ૦૨૮૧ ૨૩૮૯૫૫૧ ઉપર સંપર્ક કરવા જણાવાયું છે.

(12:16 pm IST)
  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST

  • મ્યાંમાંરમાં જબરી હિંસાઃ ૧૯ પોલીસ કર્મચારી ભાગીને ભારત ભેગા.... : મ્યાંમાંરમાં ભારે હિંસા સર્જાઇ છે. ૧૯ પોલીસકર્મી ભાગીને ભારત પહોંચ્યા છે. શરણ માગ્યું છે. આ તમામ મ્યાનમારની સરહદે આવેલા પૂર્વ-પૂર્વ રાજ્ય મિઝોરમના બે જિલ્લા ચંપાઈ અને શેરચિપ થઈને ભારતમાં પ્રવેશ્યા છે. બધા લોકો નીચલા ક્રમાંકિત પોલીસ અધિકારીઓ છે. તેઓ ભારતની સરહદ પર આવ્યા ત્યારે તેમની પાસે કોઈ હથિયાર નહોતા. access_time 3:45 pm IST

  • આંતરરાષ્ટીય મહિલા દિવસ પર રિલીઝ થશે ડોક્યુમેન્ટરી ફિલ્મ ' વુમેન ઓફ ઓનર " : નેશનલ જિયોગ્રાફિક ચેનલ પર રાત્રે 9 વાગ્યે 'વિમેન ઓફ ઓનર - ડેસ્ટિનેશન આર્મી' ડોક્યુમેન્ટરી ફિલ્મનું પ્રસારણ કરાશે : ફિલ્મ હોટસ્ટાર અને ડિઝની પર પણ જોવા મળશે :આ ફિલ્મ દિલ્હી કેન્ટના એનસીસી ઓડિટોરિયમમાં પ્રેસ અને સેનાના અધિકારીઓની સામે રજૂ કરાઈ હતી જેને ખુબ પસંદ કરવામાં આવી હતી access_time 12:20 am IST