Gujarati News

રાજકોટ તા. ૪: ત્રંબા નજીક આવેલા કાળીપાટમાં કૂતરાને તગડવા પથ્‍થર ફેંકતાં થયેલી બોલાચાલી બાદ પિતા-પુત્ર પર પડોશીઓએ જ પથ્‍થરમારો કરી ઇજા પહોંચાડતાં સારવાર માટે રાજકોટ ખસેડાયા હતાં. અન્‍ય અક યુવાન પણ પોતાના પર પાણાવારી થયાની ફરિયાદ સાથે હોસ્‍પિટલમાં પહોંચ્‍યો હતો.

જાણવા મળ્‍યા મુજબ કાળીપાટ રહેતાં અને છુટક મજૂરી કરતાં મોહનભાઇ ચકુભાઇ લણુશીયા (ઉ.૪૫) તથા તેના પુત્ર રાહુલ મોહનભાઇ લુણેશીયા (ઉ.૧૮) પર સાંજે સાડા આઠેક વાગ્‍યે ઘર પાસે હતાં ત્‍યારે ગાંગાભાઇ અને અજાણ્‍યાઓએ પથ્‍થરમારો કરતાં ઇજા થતાંરાજકોટ સિવિલમાં દાખલ થયા હતાં. તેમજ આ ગામનો અન્‍ય એક યુવાન હિરેન દામજીભાઇ ચાંડપા (ઉ.૨૩) પણ પોતાના પર રણજીત સહિતે પથ્‍થરમારો કરી ઇજા પહોંચાડાયાની ફરિયાદ સાથે સિવિલમાં દાખલ થતાં હોસ્‍પિટલ ચોકીના  કલ્‍પેશસિંહ ગોહિલે આજીડેમ પોલીસને જાણ કરી હતી.

મોહનભાઇએ જણાવ્‍યું હતું કે ઘર પાસે કુતરા ભેગા થઇ ભસતાં હોઇ તેને છોકરાએ પાણકો મારી દૂર ભગાડતાં બોલાચાલી કરી હુમલો કરવામાં આવ્‍યો હતો.