Gujarati News

Gujarati News

News of Thursday, 4th January 2018

લીંબડી - અમદાવાદ હાઇવે ઉપર કાર પલ્‍ટી જતા ૩ ના મોત : બે દંપતી ખંડીત

રાજકોટ: રાજકોટ - અમદાવાદ હાઇવે ઉપર આજે સાંજે ઇનોવા કારનું ટાયર ફાટતા કાર પલ્‍ટી જતા ૩ વ્‍યકિતના મોત થયા છે. પ્રાપ્ત માહિતી મુજબ રાજકોટ અમદાવાદ હાઇવે ઉપરના લીંબડી નજીકના ખાનપરના પાટીયા પાસે ઇનોવા કાર પલ્‍ટી ખાઇ જતા ઘટના સ્‍થળે ત્રણ વ્‍યકિતના મોત થયા છે. મૃતકોમાં ર મહિલા અને એક પુરૂષ હોવાનું અકિલા જાણવા મળ્‍યુ છે. આણંદ પાસીંગની ઇનોવા કાર પલ્‍ટી જતા આ અકસ્‍માતમાં મૂળ કચ્‍છના હાલ હૈદરાબાદ સ્‍થિત બે દંપતી ખંડીત થયાનું જાણવા મળ્‍યું છે. મૃતકોમાં લલીતભાઇ, દિપાલીબેન અને કીર્તીબેન હોવાનું જાણવા અકીલા મળ્‍યું છે. જયારે ઇજાગ્રસ્‍તો માં મીનાક્ષીબેન લલીતભાઇ, કીરણભાઇ શાંતીલાલ અને રાજશેખરભાઇને ઇજા થઇ હતી. વધુમાં મળતી વિગત મુજબ મૂળ કચ્‍છના દેસલપર - નખત્રાણાનો પટેલ પરિવાર છે જે હાલ સિકન્‍દરાબાદ -હૈદરાબાદ રહે છે. કચ્‍છ -દેસલપર જતા આ બનાવ બન્‍યો હતો. રાજશેખર રાધવેન્‍દ્ર અને કીર્તીબેન રાજશેખર સિન્‍દરાબાદના છે અને આ પટેલ પરિવારના મિત્ર છે. ઘટના સ્‍થળે ડીવાયએસપી પ્રદિપસિંહ જાડેજા દોડી ગયેલ છે.

(9:45 am IST)
  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST

  • જમ્મુ કાશ્મીરઃ આરએસપુરા સેકટરમાં બીએસએફને મોટી સફળતાઃ એક ઘુસણખોરને ઠાર કરાયોઃ પાક.ની બે ચોકીઓ પણ ઉઠાવી access_time 12:19 pm IST

  • બિહારના પૂર્વ મુખ્યમંત્રી લાલુપ્રસાદ સહિતના 16 આરોપીઓને આજે ચારા કૌભાંડના કેસમાં સજા ફટકારવામાં આવવાની હતી, પરંતુ હવે તેમની સજા કાલે જાહેર કરવામાં આવશે એમ જાણવા મળી રહ્યું છે. access_time 3:43 pm IST