News of Wednesday, 3rd January 2018

તું ટીંગાઇ જા ને ગમે ત્યાં...રિક્ષામાં પાંચ-સાત નહિ સત્તર-સત્તર મુસાફરો...!!

આ રાજકોટ છે...અહિ આવા દ્રશ્યો રોજ જોવા મળે છે. જીવના જોખમે સવારી કરવાવાળા અહિ ઓછા નથી. અહિના કાલાવડ રોડ પર એક રિક્ષાચાલકે 'તાકાત'નું પ્રદર્શન કરી કાયદાના રખેવાળોને રિતસર પડકાર ફેંકયો હતો. રિક્ષામાં આગળ પાછળ-અંદર એમ ચારેકોર મુસાફરોને ઠાંસી-ઠાંસીને ભરી લીધા હતાં. લગભગ સત્તર જેટલા મુસાફરોને સમાવી દીધા હતાં. બાકી રહી ગયું હોય તેમ રિક્ષાની પાછળ પણ ત્રણ જણા લટકી ગયા હતાં. જેમાં એક યુવાન તો ટીંગાયા પછી ફોન પર વાત પણ કરતો હતો. ૧૦-૨૦ના ભાડાથી પાટા પર દોડતી આવી રિક્ષાઓઅ રોજ જોવા મળે છે. રાણી ટાવરથી કેકેવી ચોક તરફ આ રિક્ષા આવી રહી હતી...(ફોટોઃ સંદિપ બગથરીયા)

(12:38 pm IST)
  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST

  • લખતર-અમદાવાદ હાઇવે પર વિઠલાપરા ગામ પાસે સુરેન્દ્રનગર તરફથી આવી રહેલ ટ્રક નં. આરજે રર જીએ ૦૭૭૧ની સાઇડ કાપીને આગળ જવા નિકળવાનો પ્રયાસ કરી રહેલ બાઇક ચાલક લીંબડી તાલુકાના જાળીયાણ ગામના વાલજીભાઇ અરજણભાઇ કોળી સામેથી વાહન આવતા બાઇક ઉપરથી પડી જવાથી ટ્રકના વ્હીલ નીચે આવી જતા મોત નિપજયું છે access_time 5:28 pm IST

  • જમ્મુ કાશ્મીરઃ આરએસપુરા સેકટરમાં બીએસએફને મોટી સફળતાઃ એક ઘુસણખોરને ઠાર કરાયોઃ પાક.ની બે ચોકીઓ પણ ઉઠાવી access_time 12:19 pm IST