Gujarati News

Gujarati News

News of Wednesday, 3rd January 2018

પતિ સાથે જમવા પ્રશ્ને ઝઘડો થતાં પત્નિ પ્રેમિલા કારખાનાની ભઠ્ઠીમાં કૂદી ગઇ

કોઠારીયા ચોકડીથી આગળ શિવ મેટલ નામના કારખાનામાં મોડી રાત્રે સાડા બારે બનાવઃ મુળ ઉત્તરપ્રદેશની પરિણીતા સારવાર હેઠળ

રાજકોટ તા. ૩: કોઠારીયા ચોકડી નજીક મુરલીધર કાંટા પાછળ શિવ મેટલ નામના કારખાનામાં કામ કરતાં અને ત્યાંની ઓરડીમાં જ રહેતાં મુળ યુ.પી.ના યુવાન અને તેની પત્નિ વચ્ચે રાત્રે જમવા બાબતે બોલાચાલી થતાં પત્નિએ ગુસ્સામાં આવી કારખાનાની ભઠ્ઠીમાં કુદકો મારતાં દાઝી જતાં સિવિલ હોસ્પિટલમાં ખસેડાઇ છે.

પ્રેમિલા દિનેશ રજપૂત (ઉ.૧૮)ને રાત્રે સાડા બારેક વાગ્યે દાઝેલી હાલતમાં સિવિલમાં ખસેડાતાં આજીડેમ પોલીસન મથકના પી.એસ.આઇ. રાઠવા, હેડકોન્સ. પંકજભાઇ દિક્ષીત અને વિપુલભાઇ રબારીએ જરૂરી કાર્યવાહી કરી હતી. પ્રેમિલાએ કહ્યું હતું કે રાત્રે પતિ કામ પુરૂ કરી ઘરે આવ્યો ત્યારે તેને જમવાનું કહેતાં તે થોડીવાર પછી જમીશ તેમ કહી બોલાચાલી કરી બહાર આટો મારવા નીકળી જતાં પોતાને ગુસ્સો આવતાં ઓરડીમાંથી નકળી સામેના ભાગે કારખાનાની ભઠ્ઠી ચાલુ હોઇ તેમાં કુદી ગઇ હતી.

પ્રેમિલા છાતી અને પેટ તથા પગના ભાગે દાઝી જતાં સારવાર હેઠળ છે. પતિ-પત્નિ મુળ યુ.પી.ના છે અને ત્રણેક મહિનાથી રાજકોટ આવ્યા છે.

(11:12 am IST)
  • બિહારના પૂર્વ મુખ્યમંત્રી લાલુપ્રસાદ સહિતના 16 આરોપીઓને આજે ચારા કૌભાંડના કેસમાં સજા ફટકારવામાં આવવાની હતી, પરંતુ હવે તેમની સજા કાલે જાહેર કરવામાં આવશે એમ જાણવા મળી રહ્યું છે. access_time 3:43 pm IST

  • દિલ્હીના રોહિણી વિસ્તારમાંથી 1 કરોડના ડ્રગ્સ સાથે 1 શખ્શની કરાઈ ધરપકડ. access_time 10:53 am IST

  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST