Gujarati News

રાજકોટ તા. ૩: સેન્ટ્રલ જેલમાં રખાયેલા નામચીન રણજીત ઉર્ફ કાનો ઉર્ફ ટિકીટ અરવિંદભાઇ ગોહેલ (ઉ.વ.૨૮)એ રાતે જેલમાં પેરોસીટામોલની વધુ પડતી ટીકડીઓ પી લેતાં તબિયત બગડતાં સારવાર માટે સિવિલ હોસ્પિટલમાં ખસેડાયો છે.

ગાંધીગ્રામના છેડતીના ગુનામાં હાલ રણજીત ઉર્ફ ટિકીટ જેલમાં છે. રાતે સાડા દસેક વાગ્યે તેણે બિમારીની વધુ ટીકડીઓ પી લેતાં હોસ્પિટલે ખસેડાતાં પ્રિઝનર વોર્ડમાં દાખલ કરાયો છે. પ્ર.નગરના પીએસઆઇ એ. એલ. ઝાલા અને પરાક્રમસિંહે જરૂરી કાર્યવાહી કરી હતી. જામીન ન થતાં હોઇ કંટાળી જતાં વધુ ટીકડીઓ પી લીધાનું તેણે રટણ કર્યુ હતું.