Gujarati News

રાજકોટ તા. ૩: કોઠારીયા સોલવન્ટ પાસે મછોનગરમાં રહેતાં ભાવેશ મનસુખગીરી ગોસ્વામી (ઉ.વ.૨૬), તેની પત્નિ સંગીતા (ઉ.વ.૨૪) અને સાળા દશરથ ધનજીભાઇ પર અજાણ્યા શખ્સોએ રાતે દસેક વાગ્યે હુમલો કરી ઢીકાપાટુનો અને પાઇપથી માર મારતાં ત્રણેયએ સારવાર લીધી હતી. જેમાં સંગીતા ભાવેશને દાખલ કરવામાં આવતાં હોસ્પિટલ ચોકીના સ્ટાફે આજીડેમ પોલીસને જાણ કરી હતી. ભાવેશના કહેવા મુજબ તે રિક્ષાચાલક છે. રાતે પોતે, પત્નિ અને સાળો રિક્ષા લઇને જતાં હતાં ત્યારે અજાણ્યા શખ્સોએ બાઇક રિક્ષા સાથે અથડાવ્યું હતું અને બાદમાં બાઇકમાં નુકસાન થયું છે...તેમ કહી ખર્ચાના પૈસા માંગી ઝઘડો કરી હુમલો કર્યો હતો. આ શખ્સો નશો કરેલી હાલતમાં હોવાનો આક્ષેપ ભાવેશે કરતાં પોલીસે તપાસ હાથ ધરી છે.