News of Saturday, 3rd February 2018

આજી રીવર ફ્રન્ટથી રોનક બદલાઇ જશે અને ટ્રાફીક સમસ્યાનો પણ હલ : ગોવિંદભાઇ પટેલ

રાજકોટ તા. ૩ : આજી નદી રીવરફ્રન્ટનની જાહેરાત જનતાની જીત છે. આ યોજનાથી આજી નદીની રોનક બદલાઇ જશે અને ટ્રાફીક સમસ્યાનો પણ હલ થઇ જશે તેમ ધારાસભ્ય ગોવિંદભાઇ પટેલે જણાવેલ છે.

તેઓએ જણાવ્યુ છે કે સ્વર્ણિમ ગુજરાતની ઉજવણી વખતે તત્કાલીન મુખ્યમંત્રીશ્રી નરેન્દ્રભાઇ મોદીએ રાજકોટમાં આજી નદી રીવરફ્રન્ટની જાહેરાત કરેલ તેને હાલના મુખ્યમંત્રીશ્રી િીવજયભાઇ રૂપાણીએ મંજુરીની મહોર મારી રાજકોટવાસીઓને અનોખી ભેટ આપી છે. ૧૧ કિ.મી. નો આજી નદીનો કિનારો કે જયાં હાલ ગટરનું ગંદુ પાણી વહે છે ત્યાં આંખો ટાઢી થઇ જાય તેવો નજારો જોવા મળશે. તેમ ગોવિંદભાઇ પટેલ (મો.૭૦૬૯૫ ૫૧૫૫૬) એ જણાવેલ છે. (૧૬.૪)

(4:08 pm IST)
  • 'ઓલ ઈન્ડિયા મુસ્લિમ પર્સનલ લો બોર્ડ' (AIMPLB)નાં 'મોડલ નિકાહનામાં' માં નિકાહ દરમિયાન પતી દ્વારા પોતાની પત્નીને ભવિષ્યમાં ક્યારેય એક સાથે ત્રણ તલ્લાક નહી દયે તેવું લેખિતમાં સોગંધ લેવાની જોગવાઈ ઉમેરવાની જોરશોરથી ચર્ચાઓ ચાલી રહી છે. ૯ ફેબ્રુઆરીએ હેદરાબાદમાં શરૂ થનારી બેઠકમાં આ સુધારેલા મોડેલ નિકાહનામાં પર વિચાર-વિમર્શ થશે. access_time 12:57 am IST

  • ગયા વર્ષે યોજાયેલી ગોવામાં વિધાનસભા ચૂંટણીઓ દરમિયાન દિલ્હી મુખ્યમંત્રી અરવિંદ કેજરીવાલની લાંચ સંબંધીત ટિપ્પણીના આક્ષેપો અંગેના કેસમાં તેમના વિરુદ્ધ નોંધાયેલ મામલામાં નોટિસ ફટકારાઇ છે. 8 ફેબ્રુઆરીના રોજ આ બાબત પરની આગામી સુનાવણી થશે. કેજરીવાલે જાહેરમાં મતદારોને ગોવા ચૂંટણીઓ દરમિયાન વિપક્ષી દળો દ્વારા મતદાનના બદલામાં આપવામાં આવતી કથીત લાંચ લઈ લેવાની અપીલ કરી હતી. access_time 12:59 am IST

  • જાફરાબાદ કોંગ્રેસમાં ભૂકંપ : ચંદુભાઈ બારૈયાએ ભગવો ધારણ કર્યો : અમરેલીના જાફરાબાદ શહેર કોંગ્રેસ પ્રમુખ ચંદુભાઈ બારૈયા ભાજપમાં જોડાઈ જતાં ખળભળાટ access_time 5:55 pm IST