Gujarati News

Gujarati News

News of Thursday, 29th October 2020

જામનગરમાં ફ્રૂટની લારી ચલાવતા સામાન્ય પરિવારનો ૧ર વર્ષનો પુત્ર આઇસીયુમાં : કિડનીની ગંભીર માંદગી

(મુકુંદ બદિયાણી દ્વારા) જામનગર, તા. ર૯ : જામનગરના આર્થિક નબળા પરિવાર ઉપર સંકટ આવી પડ્યું છે ૧ર વર્ષના બાળકની તબીયત લથડતા હાલમાં જીવન-મરણ વચ્ચે ઝોલા ખાઇ રહ્યો છે ત્યારે આ પરિવારને મદદ કરવા હાકલ કરાઇ છે. અકિલા પરિવારે પણ પ્રાથમિક મદદ મોકલી છે. 

જામનગરના વામ્બે આવાસમાં રહેતા ફ્રૂટની લારી ચલાવીને ગુજરાન ચલાવતા આર્થિક નબળા પરિવારના ૧૨ વર્ષીય રિશી અશોકભાઈ ગણાત્રાને કિડનીમાં પાણી ભરાવાથી ખુબજ ગંભીર હાલતમાં જી.જી.હોસ્પિટલમાં આઈ.સી.યુ. માં સારવાર હેઠળ છે.

તેઓના પરિવારની સ્થિતિ ખૂબજ નબળી હોવાથી આર્થિક મદદ કરવા ગુહાર કરાઈ છે. એક જ કીડીની હોય અને ત્યાં પણ પાણી ભરાયા છે. જેને લઈને રિશી હાલ કોમામાં છે. અને અત્યંત નાજુક પરિસ્થિતિમાં છે.

ત્યારે માનવતા ખાતર આ પરીવારને રિશીના પિતા અશોકકુમાર અમૃતલાલ ગણાત્રાના સૌરાષ્ટ્ર ગ્રામીણ બેંકના હરિયા સ્કૂલ બાંચમાં એકાઉન્ટ નંબર. ૭૮૦૨૮૬૨૦૩૯-૯ અને તેના આઈ.એફ.સી.કોડ SBINOR RSRGB અને માઈકર કોડ ૩૬૧૬૬૨૦૦૪ છે. આ એકાઉન્ટમાં આર્થિક મદદ કરવા ટહેલ છે. રિશીના પિતા અશોકભાઈનો મોબાઈલ નંબર.૯૪૦૮૦૫૪૯૯૬ અથવા તો ૯૦૩૩૦૭૦૮૦૦ પર પણ વધુ વિગતો માટે સંપર્ક કરી શકો છો.

(12:37 pm IST)
  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • કોરોનાનું હોટસ્પોટ બની ગયેલા ભુજમાં કોરોના સંક્રમણ અટકાવવા માટે તંત્ર એક્શનમાં મોડમાં : ભુજ શહેર અને તાલુકામાં કોવિડ ગાઈડલાઈનની અમલવારી માટે ટિમોની રચના :ભુજના 12 વોર્ડ માટે 4 અને તાલુકા માટે બે ટીમોની થઈ રચના:મદદનીશ કલેક્ટર અને ભુજ પ્રાંત અધિકારી મનીષ ગુરવાણીએ કર્યો હુકમ access_time 11:19 pm IST

  • અરબી સમુદ્રમાં ‘ગતિ’ વાવાઝોડુ સક્રિય: સાંજે 6 કલાકે 32 કિમીની ઝડપે આગળ વધી રહ્યું છે: જાફરાબાદ અને વેરાવળ બંદરે 2 નંબરનું સિગ્નલ લગાવાયુ. access_time 9:08 pm IST