Gujarati News

Gujarati News

News of Thursday, 8th October 2020

પુરૂષોતમ ગુરૂ તું...!

સદાચારી લોકો વાતાવરણને સ્વર્ગ જેવું સુંદર બનાવે

આપણે આપણા જીવનની રીતિનિતી પરમ કૃપાળુ પરમાત્માની ઇચ્છા મુજબ રાખીએ ત્યારે આપણે તેમના સાચા ભકત બની શકીએ.

સાધનાના સર્વસ્વ ઇશ્વરને સમર્પિત કરવામાં આવે છે. આપણી બુધ્ધિ, શ્રમ, સમય, પ્રતિભાએ બધુ જ આપણે પરમાત્માના કાર્યો પૂર્ણ કરવા માટે ખર્ચવું જોઇએ.

આપણે જયારે આપણું બધું જ પરમાત્માને  અર્પણ કરી દઇએ છીએ. ત્યારે ભગવાન પણ પોતાનું બધુ જ આપણને આપી દે છે.

ભગવાનના આશિષ પ્રાપ્ત કરવા માટે પહેલાં ઓગળવુ પડે છે. પરમાત્મા પાસે અનુદાનોની કોઇ ખોટ નથી. પરંતુ એ મેળવવા માટે પહેલાં આપણે આપવાની સાધના કરવી પડે છે.

પરમ કૃપાળુ પરમાત્મા સાથે સબંધ જોડયો હોય તો સમર્પણ જ કરવું જ પડે. પોતાને તથા પોતાના સર્વસ્વને પરમાત્માને સમર્પિત કરી દેનાર જ સાચો સાધક કહેવાય છે.

દેવ માનવો સ્વર્ગ મેળવવાના અધિકારી હોવા છતાં દુઃખી લોકોની પીડાને દૂર કરવા માટે નરકમાં રહેવાનું સ્વીકારે છે.

યુધિષ્ઠીરને એક દિવસનું નરક અને સો વર્ષનું સ્વર્ગ મળ્યુ હતું.

આ બેમાંથી પહેલાં શું ભોગવવું છે. એવું પુછતાં તેમણે પહેલાં નરક ભોગવવાનું પસંદ કર્યુ.

યુધિષ્ઠીર નરકમાં જતાં જ તેમના શરીરમાંથી શિતળ સુગંધ આવવા લાગી એનાથી ત્યાંના દુઃખી લોકોને ઘણી રાહત મળી.

આ દુઃખીજનોએ કહયું કે, આપ અહીં રહો તો સારૃં....!

ત્યારે યુધિષ્ઠિરે આ નરક વાસીઓને પોતાનું પુણ્ય આપી દીધુ અને તેઓને સ્વર્ગમાં મોકલી દીધા અને યુધિષ્ઠીર પોતે નરકવાસીઓનું પાપ લઇને નરકમાં જ રહેવા લાગ્યા.

અને.... યુધિષ્ઠીરના ત્યાં રહેવાથી નરકનું વાતાવરણ પણ સ્વર્ગ જેવું સુંદર બની ગયું.

સત્યવૃતિઓ કરનારા સદાચારી લોકો જયાં પણ રહે છે ત્યાંના વાતાવરણને સ્વર્ગ જેવું સુંદર બનાવી દે છે

દીપક એન. ભટ્ટ

મો. ૯૮રપ૧ પપ૩પ૪

(10:06 am IST)
  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST

  • રાજકોટ માં વીજળી ના કડાકા ભડાકા સાથે સાંજે 1 કલાક માં બેફામ 2 ઇંચ વરસાદ.રોડ પર નદીઓ વહી. વીજળી ના ભયંકર અવાજ થી લોકો ફફડી ઉઠ્યા.ફાયર બ્રિગેડમાં સામા કાંઠે 55 મી.મી. અને જુના રાજકોટ માં 45 મી મી. વરસાદ નોંધાયો .હજુ અસહ્ય બફારો યથાવત.ફફડી access_time 8:44 pm IST

  • ડીડીસીએના પ્રમુખ પદે રોહન અરુણ જેટલી ચૂંટાયા : દિલ્હી ક્રિકેટ એસોસિયેશન (ડીડીસીએ)ના પ્રમુખ પદે સ્વર્ગસ્થ નાણામંત્રી અરુણ જેટલીના પુત્ર રોહન જેટલી ચૂંટાઈ આવ્યા છે. access_time 5:08 pm IST